明明已早了個半鐘 check in 好晒，但出境之後，遇著小豬嘜的吃奶時間，在機場的 canteen 餵奶，收拾，清洗用具, 仲要換片
爸媽都未食早餐，已趕到頭昏腦脹冇心情食嘢，已夠鐘上機了。。。
我們帶了一大袋小豬嘜的玩具上機，只求可捱過這兩小時多的機程。。。
這是爸爸送的生日禮物
上到飛機後, 我好老實講, 是我最擔心的環節, 小豬嘜一向坐唔定, 要佢坐半個鐘西鐵巴士已好辛苦, 又 lur 又攪嘢又喊.........
搭飛機兩個幾鐘, 點捱? 最怕佢想瞓又瞓唔到時喪喊嘈到人!
佢六點幾起身, 本來九點要瞓一覺的, 但去到機場太多嘢睇, 八卦妹根本瞓唔到, 上到機已燥燥地.......
因為起飛時氣壓會變, BB 唔識自己吞口水, 所以起飛時一定要餵佢飲奶, 等佢一路吞時一路平衡返耳仔的氣壓
但出事了, 我哋見架機郁, 就太快塞支奶俾佢, 佢飲完了, 架機都仲未行到去起飛的跑道!!!!! 真係賴晒嘢!!! 點算好?!?!?
飲完又扭眼瞓喊...... 嗰一刻真係想死.........
冇辦法之下, 用埋身上最後的一點水同奶粉, 再開了一支, 但其實好怕好怕佢唔飲, 因為上機前又飲了, 啱啱又飲了........
到飛機真係加速起飛時, 再塞俾佢, thanks god!!! 佢肯飲, 飲完瞓了, 我同爸爸先鬆一口氣!!!
呢次真係人都癲, 十級驚恐.........
因為成朝冇瞓, 呢一覺瞓得好好, 太感恩~
安全到達了, 今次都係同 OTS 租車同租 wifi, 話咁快就攪掂喇!
今次租了 Toyata Aqua, 係 hybird 車, 好靜好好揸, 不過就係車尾箱唔夠大, 放完兩個 30" 喼之後, 放唔到多一個旅行袋或 bb 車了!
去到酒店, 都成 5pm 了, 泵媽媽又要泵奶餵奶
今次住的酒店係 琉球温泉瀬長島ホテル
帶 B 去旅行, 唔似以前會住 cheap cheap 酒店 semi-double 房啦,
以前爸媽去日本, 都係住D 7000yen 酒店, 此行間間都二三萬 yen 一晚, 冇計........
今次間房對海, 露台仲有個私人風呂, 不過好可惜, 日日忙到癲, 冇機會浸......
點解揀呢間酒店?
因為佢近機場, 喺一個半島上面, 又大又有車位, 市區一帶的酒店未必有好多車位呢
同埋預咗第一日去到都冇咩時間, 下一站係去 outlet 買嘢, 呢度揸去 outlet 都係十分鐘, 好方便
安頓好後, 我們去了Outlet 同 Tomiton mall, 先食個追風丸拉麵, 我同爸爸都未食嘢呢 (HK airline 機上得個包咋 T.T)
食飽就行 outlet, 不過冇咩收獲.....
反而去對面的好大間電器城就買到嘢呀!
買了一個電熱水煲 , 我一向都唔用酒店的電熱水煲, 怕污糟,
因為帶 B 去旅行要用好多熱水沖奶同消毒奶樽, 所以買一個好了!
4000 yen 平過香港啦! 而且香港買帶過去都冇用, 因電壓唔同, 會煲好好好耐先水滾,
日本買呢個, 好得, 幾分鐘成 L 水都滾了!
仲有買尿片, 小豬嘜一向著開日本尿片, 帶幾塊跟身就得, 去到買了一包, 又平又夠成個 trip 用!
返酒店放低了戰利品, 又出發去食飯, 今日係爸爸生日呀,
我哋去咗焼肉きんぐ 那覇新都心店 (Tel: 098-860-6038), 係燒肉慶祝!
生咗之後, 都係第一次食燒肉咋!
4000 yen 任食, 用 Tablet 點菜冇難度, 上菜快, 食物質素唔錯, 仲有齊甜品飲品, 冷麵炸物等等, 唔怪之得咁好生意!
呢度泊車都方便, 餐廳隔離有個小停車場, 如滿晒, 對面的 Apple Town 同 Toysrus 都有好大的停車場啊!
爸爸生日快樂啊!
.jpg)
沒有留言:
發佈留言