有時間，寧願同小豬嘜玩
小豬嘜瞓了，又總有做唔完的清潔家務要做
不過小豬嘜大了，我們也開始輕鬆少少
媽媽終於可有少少少時間上吓網，唔會脫晒節
媽媽好想寫遊記
就是同小豬嘜人生的第一個旅行的遊記，因為太難忘了
希望可抽點時間，或是午飯後，或是放假時，可慢慢寫得完
2015年12月3日，我們出發去沖繩，陪爸爸跑那霸馬拉松
這個旅程的機票，在小豬嘜出世前已買好了，哈哈，誇張吧？
因為香港航空當時做特價，沖繩 $1100 咋，媽媽已成年冇去旅行了，唔洗點諗就買咗
大概七月時，就同小豬嘜去整特區護照同身份證，
入境處的網頁睇完都唔明 total 要準備咩文件, 睇了這 blog 清楚好多啊!
有證件之後，就打電話去幫佢買機票
啲人成日話咩兩歲以下 bb 去旅行唔洗買機票，都傻嘅，都唔知邊個傳出嚟嘅!?
BB 都要買機票，而且根本仲唔平
佢係用正價機票去計 (七千幾蚊!) 乘返十分之一，即係七百幾蚊
連埋稅後，成八百幾，但佢其實係冇位又冇嘢食的。。。
我哋都係千一，我好想加四百蚊買個位俾佢囉。。。
之後就是最最最頭痛的一環, 執行李, 我睇咗 blogger 的清單, 再因應自己需要加咗好多嘢
去旅行時, 小豬嘜七個月大, 我是母乳全泵媽, 但唔夠奶的, 尤其是當時小豬嘜又愈食愈多奶
有時泵完一次, 都唔夠佢食, 又要再補奶粉, 要帶 N 樣嘢出去, 好頭痛
下面的 List, 左邊的是放入寄倉行李的, 右邊是 hand carry 上機的,
我去旅行前幾日已開始執, 到出發前一晚又執咗四個鐘先執完, 又好驚執漏嘢, 執到神經緊張啊!!!
值得一提的, 是應否自己帶水去的問題, 有人話唔帶都得, 但我一向都係好穩陣的人, 點敢唔帶?!
於是買了兩樽 1.5L 的蒸餾水, 自己飲晒, 用個樽再帶了 2L 已煲過的熟水去
即棄圍兜, hktvmall.com 有得買, 去旅行用好方便
BB 去旅行用品清單
| 種類 | 物品 | 種類 | 物品 | |
| 衣物 | 6 套衣服 | 換片用具 | 即棄換片墊 | |
| 4 對襪 | 換片袋 + 尿片 x 4 | |||
| 紗巾 x 12 | 順順兒濕紙巾一小 | |||
| 褸一厚 | 思思樂濕棉 | |||
| 帽 x 1 | 飲食用具 | 奶瓶 x 4 | ||
| 奶粉格+奶粉 (兩餐) | ||||
| 奶咀連蓋 x 4 | ||||
| 衛生用品 | 尿片 (10 片) | |||
| 順順兒濕紙巾 一大一小 | 暖壺及熱水 | |||
| pat pat 膏 (旅行裝) | 凍水 200ml 入在大 Chu Chu 樽內 | |||
| 思詩樂棉 30 片及盒 | 即棄口水肩 | |||
| 大毛巾 2 條 | 奶袋 x 1 | |||
| 沐浴露 (旅行裝) | 牙膠 | |||
| Body 及 face lotion (旅行裝) | 泵奶器 | |||
| 梳 | 圍巾 | |||
| 游泳尿片 | 其他 | 紗巾 x 4 | ||
| 水泡 | Hip seat | |||
| 即棄換片墊 x 3 | 玩具 | |||
| 褸一薄 | ||||
| 睡覺用具 | 被袋 x1 | |||
| 藍色被 x1 | ||||
| 紗巾被 x 1 | 其他 | 蚊貼 | ||
| 防蚊機 | ||||
| 飲食用具 | 碗 x2 | 密實袋 大 x 5 小 x 5 | ||
| 匙羹 x 2 | 退燒藥
1枝 餵藥針茼 1 個 退熱貼 2 包 |
|||
| 牙仔餅 | 探熱計 | |||
| 奶袋 x 12 | 火酒紙巾兩盒 | |||
| 泵奶器叉電 | 膠袋 x 5 (放車裡掉垃圾用) | |||
| 米糊粉 | 汽車用倒後鏡 | |||
| 即棄口水肩 x 6 | 抹乾用毛巾 | |||
| 雪印奶粉細罐裝 , 匙羹 | ||||
| 牙膠 | ||||
| 洗奶瓶液 | ||||
| 刷 | ||||
| 熱水壺 | ||||
| 2L 熟水 | ||||
| 刀, 食物剪, 刨 | ||||
| 透明杯 | ||||
| 盆仔 (洗嘢用) |
好了, 出發了, 今次第一次自己揸車去機場, 因為帶住b, 始終覺得揸車可放吓嘢方便啲!
機場停車場資料, 可睇呢度 http://www.hongkongairport.com/chi/transport/parking.html
計過去 5 日, 停車場收費都係 $480, 油錢都係 $50 來回, 其實同搭的士差唔多
唔想搭的士, 又會係因為有時d 司機唔會理你有個 bb, 開得又快又 CHOK.........
都係自己揸車安全
機場網站有即時顯示各個車場仲有幾多個位, 當日出發時已知道近 Terminal 1 的四號停車場5樓已滿, 一心諗住去二號停車場啦
但二號停車場離 T1 幾遠 (要先穿過 T2 先去到), 又係露天 (落雨會好麻煩)
去到二號停車場時, 點知又滿咗!
不過原來因禍得福呀, 停車場阿姐俾咗個牌我哋, 叫我哋去返四號停車場, 可俾我哋用長期停放價錢泊時租位 :P
唔洗露天 (本來四號停車場5樓都係露天的), 又近, 太幸運了!
泊好車, 去 Check in 喇!
我想話，香港航空的 Hotline CS 真係唔多掂
我買 BB 機票時, 明知我哋有 bb 都冇主動幫我哋劃定位 (因為之前朋友話會自動劃定方便湊小朋友的座位, 我就諗住係 usual practice 了)
我哋到機場 check in 先知冇劃，於是要求可唔可以坐第一排，但冇了。。。
不過地勤姐姐好好人，佢幫我哋劃咗最後一行，原來都唔錯，起碼自成一角，唔怕嘈到人
即時去 airline counter 要求劃定回程時的座位, 好彩都劃到同樣的最後一行咋!
好嘢, 準備過關了!
.jpg)
沒有留言:
發佈留言