台北 Day 2 - 行商場之旅 - 國父紀念館站

尋晚太夜瞓的緣故, Day 2 想早起早開始行程都唔得了
九點幾落去食酒店的早餐, 款式多算係唔錯呀! (好過一樂園同東龍啊!)
最難忘的係佢有一部咖啡機, 即磨咖啡超級香濃醒神呀
每一日我都飲一至兩杯 Espresso 呢 !!!



出發了, 先買一張台灣版的八達通 - 悠遊卡

因為睇過天氣預報, 今日都會落雨, o黎緊兩日就愈來愈好天,
所以特地安排了今日行商場, 聽日後日先戶外活動多!

第一站 - 國父紀念館站,
行誠品 --> 新光三越



上兩次o黎, 都冇認真行過誠品, 真係要一讚佢藏書量之多之廣

我見到一本介紹台灣食店o既書, 超詳細的地圖, 超入神的描述,
好想買!!!
不過諗到我o黎緊都唔會太快再訪台灣, 所以都係放棄了!

Bobby 先生就買o左 4 本學英文o既書啊, 大出血了!
不過有好多好書, 真係o係香港買唔到呢~

台北的樓宇唔高, 總看到一片天同一條廣闊o既道路,
身處此地, 身心都特別舒服~



再行新光三越, 時裝手飾從來不是我的 target,
我同 Bobby 先生從來只有一目標 - 超級市場同美食廣場!

嘩, 有新鮮海膽賣啊!



雖然唔係日本, 但壽司都好像比香港的吸引!



我o地今日的第一餐 - Food court 的台灣地道食物!



呢個叫 鐤邊銼, 好味!



點解冇啦啦有花田o既?
哈哈, 係一個大佈景板o黎o者!


台北 101 呀!



新光三越共有四座 building, 再去到第二座時,
見到充滿士多啤梨的甜品呀!



NT$60 買o黎試o下先, 士多啤梨好甜好好味啊!