酒泉日本料理

元朗有間酒泉日本料理, 聽就聽o左好耐, 但我o地反而一次都未試過~
因為佢差唔多o係教育路的最盡處, 好少行到咁入

今晚去o左o個頭搵食, 見好多人喎, 記得 openrice 又好多好評喎,
就入o左去喇!

一打開 menu, GOOD, 選擇比同區的日本菜多元化,
價錢屬中等, 有某 d 食物都幾抵!
唔講喇, 去片你就知有幾正!

$30/五件的三文魚腩, 超厚超多魚油的感覺, 好正啊!

先 Order o左 4 款壽司

呢個海膽壽司係超超超讚!!!
4 大片撻o係壽司上, 入口好好好滑仲好甜,
我敢講係我o係香港食過好 Top 的海膽
(其實我一向都唔太喜愛海膽, 但呢個真係掂呀, 食完想 encore 呀!)

帶子好大好新鮮, 雖然仍然係板長的好食 d~

三文遺傳了元朗風格 - 長!

呢個玻璃蝦都唔錯, 稍為乾身

花之戀 - 真材實料呀, 好大堆蟹子沙律o係上面呀!

吉列炸蠔 - d 蠔就真係太細隻, 唔推介

吞拿魚 - 好普通...

整體我o地都好滿意, waiter 好有效率, 不停加茶收碟~
為o左個海膽, 我o地都一定會再幫襯呀!!!

以上 d 相都係用 LX3 影的, 陰暗的環境表現好好啊,
ISO400 , noise 控制得好好!