會去睇花田, 會去買手信
出發前又去食自助早餐, 因要留肚食蜜瓜, 我o地都係食o左少少o野咋
呢個奄列超滑!
我o地出發喇, 今日係咁多日以o黎, 第一次見到藍天白雲!!
前幾日仲好擔心, 如果落大雨冇得睇花, 一定好大遺憾了
由札幌去富良野, 都要坐成 2hr 車,
呢度就係食蜜瓜o既一個貨倉, 因為夕張蜜瓜已經過o左收成期,
我o地食o既係富良野蜜瓜
因為蜜瓜係任食的, Bobby 先生食o左幾多?
係 total 6 件呀~ 真係乜都抵返! d 蜜瓜真係好甜好甜, 甜到漏, 好好味!
食完就可以去隔離買, 一箱箱由一個至五個都有, 拎返香港的話要 Hand carry~
我o地買o左一箱 5 個呀, 除返唔洗二百蚊一個, 比起香港賣的四五百蚊個算係抵了!
不過個老闆唔多老實, 我o地 pack 好晒箱俾晒錢, 先見個箱寫係青肉,
於是問個老闆係咪青肉, 因為我o地想要紅肉, 佢話係紅肉喎
我o地都係唔信啦, 於是打開個箱再 check 一次, 見到瓜上的貼紙都係寫青肉喎,
個老闆先肯換俾我o地, 好彩 check 真 d 咋, 紅肉先夠甜o架!
食飽飽, 我o地再上路去睇花喇, 見到棵係咩拍過廣告o既樹
導遊一路咁多日都灌輸個意識俾我o地聽, 因為而家已經係八月尾, 已經冇得睇薰衣草o架喇,
又講到 d 花都謝晒, 冇乜花睇,
我心諗「 o下 ? 你日日報紙 d 廣告都係睇花田做招徠o架喎! 而家o黎到先話冇得睇, 咁咪呃人!」
所以, 我o地對睇花都冇咩期望......
去到富良野, o個度有好多花田, 有 d 要俾錢, 有 d 唔洗俾錢入,
我o地去o左呢個小花田, 雖然唔多花, 但見到 d 花花已經好開心陷入瘋狂狀態了, 哈
團友都話我o地件 T-shirt 好正, 哈哈, 係特登揀今日著o架~
只係幾棵的薰衣草, 已教人開心不已
我o地離開富良野, 去附近的美瑛, 導遊話仲有一個花田,
但我o地都唔敢有咩期望....
點知, 到喇, 嘩~~~~~ 呢度叫 "Flowerland", 一大片山坡上的花田, 就係我o地夢寐以求要去o既花田喇
不過未去得影相住, 要去整個薰衣草枕頭, 同埋食埋飯先!
睇o下 Bobby 先生
Lunch 係食鐵板燒, ok 呀!
極速食完, 我o地出發喇, 影相呀~~~
向日葵好攪笑, 真係會向住同一方向的!
雖然藍天白雲的話, 影相會更加靚,
但冇落大雨, 已經好感恩了! 影到咁多靚相, 真係好開心好難忘呀!
影完相好熱呀, 去整返杯蜜瓜雪糕先!! Yummy!!!
我o地離開了美瑛, 又要坐兩個鐘車, 去返札幌市中心的狸小路
狸小路話就話係手信街, 但其實冇乜o野行,
比起東京間間商店你都好想入去掃貨那種感覺, 仲差好遠
我o地首先去o左導遊介紹o個間 「九折再免稅」的手信店,
大批買入 standard 的手信, 白 D 戀人呀, Royce 呀, 六花亭呀, 蜜瓜 Jelly 呀~
再仔細行行其他手信店, 買一 d 限定版同特別 d o既手信~
狸小路第一街過馬路後, 就係二條市場, 係一個售賣海鮮同食魚生飯的好地方,
我o地望住旅遊書, 一路都好想去, 可惜行程唔容許,
今日我o地去到已經 6pm, 成個市場都收工了, 好失望
旅遊書介紹的食店, 我o地又搵唔到, 唉.......
失望之際, 我o地行經二條市場對住狸小路方向的一間就收工o既海鮮店,
佢有好多鱈場蟹賣, 我同 Bobby 先生考慮緊買一隻返香港,
點知呢個時候, 老闆忽然間衝出o黎, 拎起較剪, 剪o左其中一隻蟹o既蟹腳俾我同 Bobby 先生試食!!!
我o地o個o下都啞o左呀~~~ 隻蟹好靚仲賣緊o架喎, 做咩剪o左佢俾我o地試呀?
日本人的心態, 太可愛了!
我o地試過蟹腳, 好得喎!
於是諗緊買大中小邊隻好~ 我o地決定買中 size o個隻, 7500 yen,
點知另一意外之事, 就係老闆無啦啦拎部計數機出o黎, show 俾我o地睇 5000 yen 賣俾我o地!
o下, 係真唔係呀?????? 如果同我o地個導遊買, 要 10000 yen 一隻,
而家你 5000 yen 賣俾我?????
我o地當然好呀好呀買啦, 話去聽 "Hong Kong",
老闆就用極速包好隻蟹連乾冰放入發泡膠箱, 封好一 pack 攪掂!!
俾完錢, 老闆同老闆娘仲送個 90 度鞠躬俾我o地, 好感激我o地買佢隻蟹,
應該係我感激你咁平賣隻蟹俾我o地啊!
行o左幾步, 老闆仲追出o黎, 送多包北海道芝士俾我o地,
嘩, 點解呢個世界上有咁好o既人o既???
事後我同 Bobby 先生都諗, 早知買多一隻啦,
早知問o下老闆剪o左隻腳o個隻蟹可唔可以賣埋俾我o地啦?
如果我o地下次再去北海道, 一定一定會搵返呢個老闆再買蟹呀!
隻蟹呢, 返到香港係送俾 Bobby 爸爸食o既~ 佢o地都話好好味啊!
買完蟹我o地再最後衝刺, 我去o左 ABC Mart 買o左對 Nike 波鞋,
仲見到上次去東京買o個對o既新 version 添, 不過白色太易污糟冇買到啊~
Agnes B 就冇袋睇得o岩, 呢度 d 款冇乜特別....
話咁快就又要上車, 我o地今晚去食燒烤呀!
前日向導遊訂o左塊 11000 yen 的松板 A4 牛扒, 有晒證書咁,
寫o左隻牛幾大, 係邊個養, 咩血統咁
睇o下 d 雪花, 其實係咪咁好食呢?
燒喇燒喇!
食得喇~
Well, 一入口係好勁的牛味同浸滿牛油,
不過你問係咪超好食, 同埋值唔值成 HKD800 一塊, 我就會答唔多值囉...
不過去旅行, 點都試o下o既
食完飯, 就返酒店了, 聽日飛喇...
今日出血日, 用o左 40760 yen (~ HKD 2900 ),
不過買o左o既o野全部都好令人滿足!
.jpg)
沒有留言:
發佈留言