交功課ed!

塞塞塞, 搭遲咗一班車就永冇好結果, 成日都塞車!!! 真係火都嚟埋!!!
個司機仲要係一早知道大塞車, 都唔行第二條路 (我哋呢D 村巴其實好 flexible), 真係好激氣!!!!
本來預好晒煮飯, 又唔洗煮啦! 火滾呀!!!! (想噴火)

波比先生次次一見我因為塞車而發火, 就會話搬去近D 醫院住好冇,
但奈何我每隔一段時間又會轉吓返第二間醫院, 冇可能就到一達好好的地方~
況且, 我愛而家的居住環境, 附近有好多嘢食, 有餸買到, 星期六日跑吓步踩吓單車幾開心,
搬去出面, 好難搵到達樣樣都咁好的地方

唯有, 我話過以後都唔會搭遲一班的村巴,
遲走我寧願搭西鐵好了! (諗起又火滾!!!!)

冇得煮飯, 去了食扒, 超多的肉肉, 去幫我下下火!



對住一大疊書同 notes, 攪咗幾日, 今晚終於都交咗份 paper 的 first draft 了!!
開心返!