超讚之北海道山頭火

今晚我們約定了, 要去食山頭火拉麵!
這間山頭火源自日本, 在北海道是真有其店, 仲好出名的!
唔似有D 乜乜拉麵, 係咪都話自己係日本正宗

一去到, 聞到四處都洋溢著香噴噴的湯底味, 知道自己冇嚟錯喇!
幸運地還有二人枱

打開菜牌, 四種湯底, 很傳統的只配叉燒,
想港式可配豬頸肉

一個拉麵都 $88, 但有D set 都係 $88-98,
只是麵細了, 但又有其他食物, 於是我們叫了兩個 set

波比的鹽味拉麵, 湯底較清, 但特出了豬骨湯底的味道, 好濃郁, 好正宗啊!!
跟 set 的壽司, 通常都唔抱咩期望, 點知三文魚同帶子都算係好新鮮, 正!
只可惜, 蛋不是溏心蛋~



我的麵豉湯底就真係好好正, 味道有點甜, 見到嗰一層油..... 就知道有多好味!



我的 set 有吉豬, 不過就麻麻啦~


整體好滿意佢的拉麵, 真係尋回去日本的感覺, 絕對要返兜啊!