咁凍, 打邊邊最好!

今日老婆晏咗放工 (其實唔係好晏, 係波比先生今日早咗), 做 X-ray 攰到史........
於是老公去了等老婆放工, 大商場好似有好多嘢食, 其實冇乜食店真係好好食,
諗來諗去, 間間都俾老婆 ban 了

講開又講, 上次老細請食飯去稻香, 見到全部散客都係打邊爐, 正到爆, 已經心郁郁,
忽然興起, 不如就去打邊爐!!
去到, 有卡位, 超開心!
好似, 都係第一次我們兩個去酒樓打邊爐 (之前的都係大家樂, 因為覺得兩個人好難叫菜)

真係要激讚稻香的食物, 牛和羊非常之嫩滑, 完全冇筋/渣,
海產類夠新觧, 好爽口, 炸物類好脆呀! 所有食物都好滿意!!!



兩個人叫了 6 碟嘢, 波比都話唔夠飽,
最後追加蟹籽魚麵, 自己唧好好玩! 蟹籽咬落卜卜聲, 好味呀~



每位加$ 8 就有飲品 (汽水/豆漿/涼茶) 任飲同埋糖水 (紅豆沙/蕃薯糖水/芝麻露/ 杏仁露)任食,
食到超飽的我也不忘試了三碗糖水!

不過 9:30PM 後原來平成 1/3 價錢, 唔怪之得咁多人等位啦!
今餐好滿意啊~