愛醬

今日老細有野要我幫佢做, "Please do it at your earliest convenience"........ 做埋先走攪到晏咗......
之後又塞車, 真係好想講粗話, 成日都塞, 唔係撞車都可以塞超過五公里的路! !*#%!*(%!)%!$!!
都唔知有冇攪錯!!!! 成 7:30pm 先返到去!!

心情壞透了, 好彩今晚波比去踢波我唔洗煮飯, 否則火都嚟埋!

難得一日可以慢慢行行食材店, 我又見到好多好正嘅食材想買,
最難忍手還是見到好多醬料又好好好想買!!!
女人通常愛一擲千金買化妝護膚品, 我就愛一擲千金買醬料食材, 哈哈~
但屋企已經有太多了.........要同自己講: 用晒先准再買~





見到竟然有豬軟骨賣, 都好似第一次見咋!
我好鍾意食豬軟骨, 所以唔點考慮就買了,
不過要炆成兩個鐘, 聽日先有得食喇~~



仲有唔夠 4 星期就要交 paper 的 First Draft 同埋要考試了...... 唉.......
又係時間開始閉關讀書,
返工買餸煮飯洗碗後, 究竟我一日仲有幾多時間讀到呢???