暴飲暴食四天

好嘢, 好天, 今日踩單車去了南生圍對岸, 見到一片的紅葉,
未算最紅, 但都好靚啊!



之後出 CWB, 波比先生要拎號碼布 (下星期日的 10km 比賽),
初時諗住呢D 喺天水圍咁偏僻的比賽, 應該冇乜人啦, 點知.....
今日見到D 參賽者, 好多都好 pro 囉, 鋼條身型囉...... 有D 仲今日啱啱跑完個 15 km 的比賽囉....
望住波比先生, 我只好話:「Good Luck!」

之後去朋友家 House Warming, 嘩~~ 維港煙花海景 view 真係好正啊~~~

今晚又去豪食, 呢個星期真係好大鑊呀....
Thur 稻香, Fri 粵翠軒, Sat 霸王山莊,
今晚就係有名的鳳城酒家!
佢個咕嚕蝦球同埋炸子雞真係正呀~~

仲有呢個兩磅的朱古力脆脆蛋糕, 真係好好食, 超飽之下, 我都食晒一大件.....
你話..... 係咪肥死了!