SPSS............

今日要放半天假, 上 SPSS 實戰堂, 但真係無聊至極.......
一班人, 在 computer lab, 開著同一 file, 跟著 lecturer 同一的 steps, 一齊"才禁" 個 stat. result 出嚟......
我知個 lecturer 用 SPSS 用得好叻, 但佢講得快到跟唔到........想抄 notes 都抄唔切......
唯有 screen cap 咗成百張圖返屋企慢慢睇!
唉, 不如你影印D manual 俾我仲好啦.......

無聊之際, 唯有同隔離同學仔傾吓國泰 $990 機票,
哈.............. 我又訂咗機票去曼谷呀.................
原來同學仔都想去, 我哋就一齊一邊"才禁" SPSS, 一邊睇國泰網頁邊日仲有機票囉
仲有同另一同學仔睇 iPhone website 囉......
壞學生, 哈哈!

夜晚同波比媽媽慶祝生日,
由醫院搭的士去, 「唔該荃灣荃新天地」
司機:「綠楊新邨呀?」
O 咀........點解差咁遠.......「係荃新天地」........
「哦, 萬景峯呀?」
「係呀」
原來要講萬景峯D 師司先識............

翠園的食物非常之好, 左的海皇羹同右的海底椰雪耳露都超超超讚啊!!
六人餐真的幾抵, 份量多到食唔晒, 下次有機會同埋肥仔一班朋友食都唔錯!