福岡 Part 5 - 博多町家、博多運河城、拉麵競技館

我們又出發了, 要去中洲那邊, 本該是搭地鐵, 但要搭兩個站之餘, 其實落車又有排行.
於是我們索性行過去, 是 20-30 分鐘的路程, 一邊行又可以感受一下地方風情

福岡是一個很可愛的地方, 即使我們住在等同旺角的繁華區域,
但街上我真的可以用雅雀無聲去形容,
人是有, 車是有, 但日本人從不愛大聲說話, 在街上講電話也很少, 全世界都好安靜,
車行得好慢, 這有微量車聲,
同埋今次搭巴士先發現, 佢哋停燈位/停車耐少少, 都會成架車進入 sleep mode,
即係好似熄咗匙咁, 全車冇引擎晒聲 (但又應該唔係熄匙, 因為好快躂得返著架車, 唔知係咪車子有特別設計呢?)
就係咁, 呢個城市真係好靜, 空氣亦都好好,
我叫波比先生停下來, 用心聽一聽, 他也發現這個城市是沒有聲音的,
這一片寧靜, 實在令我很喜歡這個城市, 它沒有了東京/大阪的繁忙, 是生活的好地方!

日本人又好守禮禮讓, 紅燈絕不會過馬路,
有時我們橫過小路, 有車都一定會讓我哋先過,
買嘢俾錢任何事都多謝前多謝後,
最得意係每次搭飛機, 飛機起飛都見到機場工作人員鞠晒躬揮晒手同我哋架飛機 Bye Bye,
咁好禮貌的民族, 我們應該學習嘛

我們走了走, 到了景點之一 - 博多町家
三間屋子, 本來知道要付費入場, 但原來最右邊那間是免費的, 我們就入內逛逛,
地方不算大, 但有好多有趣的懷舊事物, 拍拍照也不錯



一離開, 對面就是櫛田神社, 即管參觀一下它的古老建築



見過有網友來福岡時, 遇到大祭典, 會有好多人合力抬起呢個山笠去遊行o架



穿過神社, 就有天橋接駁去博多運河城, 實在太方便,
這是一個大商場, 大得使我們不停迷路......



有間好大的無印良品, 竟然有好多電器賣



我們又去藥妝店掃貨, 波比先生又買到跑步 T-shirt.

重點行程就係食, 要造訪呢層偉大的「拉麵競技館」!
這度有幾間國內最出名的拉麵店, 店舖如果人氣不足, 就會被淘汰而再有新的人氣店頂上!
晚上真的會大排長龍



我們選了去初代達磨這一間, 第一次食拉麵有些像雲吞的物體
很濃厚的豬骨湯底啊!!! 叉燒唔太肥, very good!



我的辣拉麵, 都好正!



這裡還有一間以姆明為主題的餐廳, 可憎已經太飽試唔到



7時多離開, 急步行返天神區, 想去百貨公司的超級市場買割引食物,
但去到已經係 7:55pm, 連買麵包都好難買,
還因為同波比先生分頭行事而失散咗, 好彩用 SMS 先搵返~

行咗好多路, 好攰, 好早瞓, 聽朝一早要去北九州!