雙拼雞脾

今日係最後一次在這間 X-ray 房做 exam 了,
下次就去新房, 新的 X-ray 機好好好勁, 不同方向角度旋轉都得,
控制的 panel 真係好型, 好似控制緊機械人咁!

在病房遇上一個阿婆, 離幾呎遠已經叫住我「姑娘, 妳快啲拉我去廚房閂咗個爐啦」,
見阿婆好認真的樣子....... 應該是 .............. confused speech..............
不過我們最緊要入戲, 如果你否定佢講嘅嘢, 最後的結果通常係佢唔合作同你做檢查,
「係呀, 妳煲緊水呀?」
「係囉, 我最擔心就係個爐喇, 唔閂唔得o架, 好危險o架」
「唔洗擔心, 我啱啱睇過閂咗喇」
「係咪呀?!」
「冇呃妳啦, 我啱啱先由廚房過嚟, o拿, 仲拎咗杯水俾妳」

做完 assessment, 阿婆又由頭問過 「妳快啲拉我去廚房睇吓閂咗個爐未啦, 未閂唔得o架」.........
做一個女人, 老來 demented 了的時候, 還是要記掛著廚房個爐有冇閂,
這就是對一個女人來說, 一生之中最深刻的記憶了吧~~

人愈來愈長命, 我有不少 patients 都年過九十,
退休後還有四十年命, 點過好??

本星期最後一日煮飯喇, 聽日返半日工, 就會同朋友去個短短地三日旅行, 緊張又興奮!
第三次整焗雞脾, 今次有黑椒味同埋泰式味道,
用了魚露、金不換去醃, 加點泰式甜辣醬先食, 好惹味啊!!