最成功之沙爹牛

沙爹餸菜, 整過 n 次, 但總是整唔到我想要的味道~

近來睇咗靚女廚師 Kit Mak 教煮餸,
食材落咩先落咩後, 要加咩調味, 原來真係有好多學問,
我要改善的, 第一樣就係煮餸唔好落咁多水, 哈哈~
因為我煮餸係從來都唔落油的 (當然煎嘢除外), 要健康嘛, (所以我屋企一支 500ml 的油係可以用成年)
所以乜都用水煮熟再落調味, 水太多味道又淡, 好難控制~

這星期學了些不同的技巧, 發覺真係掂喎~
今日煮呢個沙爹草菇牛肉, 終於都煮得出多年想要的味道,
原來落點花生醬, 再有技巧地先混合醬料才落鑊會有咁大分別~
成功了, 實在好開心~





今日睇咗個 BB 女, 佢乜都唔識, 就竟然識得自己 mang 咗條喉,
睇排板, 原來佢呢個月已經自行 mang 咗 n 咁多次,
成日 mang 咗又要插返, 真係好陰公.........
佢父母係大陸人, 生完見佢有問題就已經簽咗紙唔要佢........
有時我經過, 見到好有愛心的院牧會在佢床邊, 拖拖佢手同佢說話,
我同老細去睇佢 , 都會拖拖佢手同佢說話,
瘦瘦長長的手指仔捉實我的手指頭, 好像會問人: 「你可以給我一點愛嗎?」
見佢獨自在床仔, 人人都有父母探望, 唯獨佢冇, 孤零零, 冷清清, 很悲哀~