不過星期六日, 波比先生會由元朗跑到天水圍/洪水橋/兆康 (!?!), 我點跟到?
上年九月我咪買咗部單車, 仲喺樓下租咗個單車位, 點知唔租好過租,
架單車擺咗落去之後, 又封塵又生锈!!! 仲又漏氣又甩埋粒輪胎的螺絲....... 真係好無奈......
所以而家想踩都踩唔到喇.....
的起心肝, 上網睇睇諗住買o架貴D 襟D 嘅, 睇中了 DAHON 的兩款,
一架一千, 一架差唔多二千,
問問有咩分別, 店員話平那架會生锈, 貴嗰架就唔會, 因為係鋁合金車架,
一聽到「生锈」兩個字, 即刻驚咗...... 所以都係買了貴呢架
其實白色係好好好靚的, 但我又好驚污糟, 所以都係買咗黑色喇~
第一次擁有可轉波的單車, 踩返屋企的一段車, 試了唔同的「波」, 感覺很有趣,
4 波算是好啱我用, 踩得好快好爽, 同我樓下生咗锈嗰部, 絕對是兩回事!
好希望快D 同波比先生去走返轉, 等佢追我唔到, 呵呵呵!!! XD
還買了兩樣配件, 這個是 DAHON 的單車籃子, 好靚又好大容量~
店員仲示範:「o拿, 妳去買餸可以一抽咁成個拎走, 幾方便!」
「嘩, 又真係好方便喎」, 咁就買咗
咁啱尋晚 search 資料時, 見到原來單車都有咪錶的, 好勁啊!
頭先踩返嚟, 可以計到 Maximum speed (左上), 共用時間 (右上),
距離 (左下), 同埋消耗卡路里 (右下),
主要的功用, 係同波比先生去得遠時, 可以計吓 speed/ distance/ calories 等自己有D 滿足感, 哈哈!
快快到聽日, 我們要去次遠的!
Nice bike...
回覆刪除