為的是過去本州的下關, 那裡有個唐戶市場, 食海鮮又新鮮正到爆!!
呢個行程都係出發前兩三日, 我忽然間睇到人哋 blog 講起, 先搵資料去,
由福岡去門司, 最快是搭新幹線轉 JR,
但要成三千幾 yen 一程, 兩個人來回搭車都用萬幾 yen (成千蚊港紙), 實在太貴.....
本來因為車費貴而唔打算去了, 不過老婆好努力地搵搵有冇 alternative 的方法去,
在 JR website 搵到如果唔搭新幹線, 而搭鹿児島本線快速的話, 1430yen 一程就得喇!
不過時間當然會長D, 1hr30min 先去到, 但都只係比新幹線慢半個鐘到, 計落都 ok!
所以就決定咗去喇!
尋日買的星星蛋糕, 不過得個樣, 味道冇乜特別~
去到博多 JR 站, 好擔心好似上次喺大阪梅田站咁同個職員溝通唔到,
好感恩, 遇到一個英文好得的靚女票務員, 佢仲講我哋聽, 買來回票有折,
四張共 4800 yen, 即 1200yen 一張, 比原本的 1430yen 平了不少, 好開心!
個半鐘的車程, 都唔難過, 多得老公一早 d/l 了 19 集的公主嫁到去我部 iPhone, 煲劇煲到唔識落車!
到了門司港站, 很懷舊的車站
即刻出去直行就係碼頭, 啱啱趕得切搭 10:30am 的船去下關,
是天星小輪的航距, 就要 390yen 了~
我們五分鐘就來到本州喇, 係呀, 呢度已經唔係九州, 呢度係本州的一部分
落船向右行, 好快就就了唐戶市場, 太興奮了!!!
呢度係一個魚市場, 只會係星期六日/公眾假先開放俾市民,
我們的行程中, 就只有今日開放, 因為今日是日本的秋分假期~
你睇, 幾熱鬧!
場佈有大大小小幾十家店舖, 賣咩? 自己睇啦!!!!
抵到爛又好新鮮的海鮮飯!
我們有幫襯這一家, 食材都是大大件, 睇到都流口水!!!
炸的、燒的都有!!!
我們買了烤帆立貝, 鮮味一流!
超巨的大蝦壽司 - 成口都係蝦的感覺, 永世難忘!
仲有蟹腳壽司呀~~~ 我都好似未試過咁食~~
Toro - 正到爆囉!!!
食完第一 round, 再入戰場!
海膽三文魚籽飯、帶子刺身、三魚文/烤鰻/鮑魚壽司!!! 不要說只要吃!!!
大家都係買咗食物, 就坐出嚟海邊食, 有海景橋景, 食咁正的食物, 不枉此行!!!
之後我們行了附近一圈, 不過唔知係咪時間尚早 (11am), 乜舖頭都未開......
兜一圈, 純粹為幫助消化, 不消半個鐘, 我們又回來了!
我只准許波比先生買多一樣食物, 分頭行事, 點知呢個衰佬竟然買咗碗海膽飯返嚟,
俾我見到佢俾錢嗰一刻, 佢就好似做賊俾警察見到咁想調頭走!
點解D 海膽可以咁長咁大條咁好食o架~~~~~~~~~~
但呢碗嘢我真係見到都飽, 係波比先生一人食晒, 我食咗兩條海膽咁多~
食完呢, D 海膽味真係會留喺口度, 仲要係附著 soft palate + oropharynx 的位置, 久久不散!!!
食完有飯淨, 用嚟餵白鴿,
我哋一路坐海邊食嘢, 一路好多白鴿喺我哋前後左右行嚟行嚟,
佢哋扮傻咁愈行愈埋, 幾驚佢一擔會擔走我哋D 食物!
下關之行非常完圓滿, 呢度仲有個海響館, 即係好似海洋館咁,
有海洋生物、鯨魚、企鵝等等, 又可以摸摸海星之類,
不過沒有波比最愛的 Polar Bear, 所以冇去喇~~
沒有留言:
發佈留言