特濃咖哩

星期日, 在家不停的看食譜同烹飪 Video,
很興奮, 又諗定晒未來一星期煮咩好~

很難得地今日三餐都喺屋企煮,
早餐又整了 Pancake, 今次加了蛋終於都似麥當奴的 Pancake 了!

下午去買餸, 波比先生要踢波陪唔到我去,
於是一個人拎咗超過十磅的瓜呀、菜呀、肉呀、生果呀、粉呀、牛奶呀、漱口水返嚟.....
仲要落雨.... 仲要冇帶遮......... >.<

好耐冇整過喇! 今晚整了呢個特濃日式咖哩雞拼蝦,
因為上次整得太浠攪到唔好食, 所以寧願整特濃版,
淨係D 汁, 都可以送到好多飯呀~~



仲有呢個淨係放假先會有時間心機整的芝士蒜蓉焗什瓜,
不過買唔到 parmesan cheese 呀, 得一片片的車打芝士咋~
呢個係營養師都推介的菜色, 高纖, 少調味, 每種瓜都唔同的營養, 真係食多D 都唔怕



好重地買咗兩包粉, 為的是整呢個桂花拉糕, 是第一次整中式蒸糕,
落咗好多好多好多桂花呀, 食落好香桂花味!
不過碟底掃得唔夠油, 攪到好黐底唔可以一件件好靚地起出嚟...........



下次改改個食譜要整好D!