[愛美食] 珍珍排骨麵 x 意想不到的好飲咖啡 @ Baby Cafe

最後一天假, 要準備心情返工 >.<
而且玩了兩天人超累, 所以沒走得太遠, 先在南生圍踏單車陪波比跑步~
近兩次逢九時多經過敬輝農場, 都會見到主人在放羊食草, 好攪笑!! D 羊食得好急, 慌死主人好快捉返佢哋入去咁~



這幾天可能好多人外遊, 到處逛街搭車人也不多 (除了前天到淪陷了的西貢, 等小巴等咗一個鐘....), 這樣的香港舒適多了~
今日多謝老公陪我過屯門食珍珍排骨麵, 這裡是中學時代常吃的店子,
但我們冇機會在屯門食飯, 過親屯門都是直去碼頭搵 Daddy 食飯, 所以這家店, 十多年冇吃過了~

屹立不倒, 有它的原因, 食物都真材實料, 所謂的排骨其實是豬扒,
炸得醃得好吃, 十幾年都冇變過, 加埋辣醬, 總令人回味無窮~



之後, 波比話要去飲 Baby Cafe, 初時我都「吓?」咗一聲, 有咩好飲呀?
原來呢度都有拉花的 latte, 仲要拉得唔錯, 無論是 latte 定 mocha 都是不錯的水準, 絕對好過星巴克!!!
價錢仲要唔貴, 一杯 $30 一杯 $28, 平得我有點驚訝!
下次波比扭計要飲咖啡時, 睇嚟就要入屯門了!