九點在水浪窩等, 今次試在大學站轉 807B 小巴, 好過搭 299 好多! 唔洗個半鐘就由元朗去到了!
見到好大隻 Husky 犬啊!
齊人就出發, 行冇耐就見到好靚的海景, 真的心曠神怡!
仲有魚排, 波比問有冇得出去 BBQ
頭幾 K 都幾石屎路, 好行, 仲見到青蛙/蟹/ 蜥蝪......
跟住沿海邊行, 真係好邊o架, 呢度D 水真係好清
行到去碼頭, 好多人釣魚
之後到了深涌喇, 嘩嘩嘩, 呢度簡直是一片世外桃源, 超綠油油的大草地!!! 在香港實在未見過!
喺呢度野餐, 露營都一定十分開心!
像圖畫中才會出現的畫面~
吃了小食, 再出發, 冇耐去到荔枝莊, 超多人露營啊!!
吃午餐了!
好多牛牛呀~~~~~~~~~~
之後的行程, 開始痛苦........
有垂直而上的山路......手腳並用.......
登高望遠, 群山的風景實在好靚, 仲望到馬鞍山同大埔一帶
之後是要穿越密林, 呢度應該太少人行, 路不似路, 每一步都被樹枝刮到對腳好痛.....
路根本是要自己開出來的..... 樹枝也會刮頭和面......
好不容易去到山頂
但落山一段, 更是痛苦, 我們迷路了, 因為路根本太不清晰.......
走錯了又回頭, 全身被樹枝刮呀刮.......
那些路都是很岐嶇的大石路, 在亂石中又爬又行, 兩膝都擦損了......
最後能安全地見到海下灣和出口, 實在太感動.......
因中途花了很長時間找出路, 去到海下都三點幾了, 又攰又餓,
所以沒跟朋友行到黃石, 我們在海下搭小巴走了~
長褲擦破成這樣子, 你可想到那條路的威力
腳又損又瘀了腫了......
去西貢, 度度都超多人, 冇地方食飯 T^T
於是去了一間叫米咖啡的, 咖啡還可以, 但D 飯很難食.......
大家都冇幾何見我話D 食物難食, 但佢呢間真係不知所謂, 咖哩飯我去超級市場買舊咖哩磚就咁開水煮都好食過佢, 你就知有幾難食........ 真係垃圾!!!
好彩, 最後再食到菠蘿包同林記腸粉, 人先開心返!
沒有留言:
發佈留言