[愛美食] 下一站...甜品 Next Station ... Dessert

星期三是假期前, 醫院忙到史, 把所有病房的症看完才可收工!
放工出了旺角, 慰勞一下自己 :)

師妹同行, 三個人經過黑布街, 見到有間新開的甜品店 「下一站...甜品 」, 聲稱是酒店的餅師出品, 見賣相不錯, 入內試試~
店內是很簡約的木枱格局, 很韓 feel,
我們坐了較入的枱, 自成一角, 吹水最 fit!

甜品 menu 很有型, 所有甜品都很特別, 有點 black n white 的感覺~



三個人叫了三款, 這個是最招牌, 扮鳥結糖的雪糕, 很濃的果仁味, 我這個果仁控就是很喜歡!!!



三款不同味道的焦糖布丁, 左起是青檸、Earl grey、Vanilla, 我最愛青檸味, 很清新,
波比最愛 Earl grey, 濃茶味使甜點不會漏~



最後是栗子拿破倫, 栗子蓉似是自家製? 因味道較濃又不會好甜, 不似是買回來罐裝那種,
不過整體又不是太有驚喜
一讚年青服務員都超 nice 有禮貌, 不停替我們加水, 有時吃甜點, 有杯水是很重要的~
整體食物質素高, 而且份量足 (唔似 black n white 嗰D 兩啖就食完......), 講求 CP 值的師奶仔實在要推薦給大家 :)

[2013 北九州遊記] 別府杉乃井ホテル Suginoi Hotel

遊完動物園, 是時候去我們此行最正的酒店了,
旅遊書都很推薦這家杉乃井ホテル, 因為它有一個超無敵的 infinity 溫泉!
http://suginoi-hotel.com/stay/honkan.html
Tel: +81 977-24-1141




這酒店在半山上, 揸車去到, 有D 混亂, 原來佢分本館和 Hana 館 (較新較高級),
我們去了 Hana 館門口, 佢指我哋去返本館, 去到本館門口, 佢又指我哋上返山, 因為原來停車場並不在兩個館旁, 而是在山上,
所有車輛都要自己駛去停車場, 再坐返酒店 shuttle 返酒店~





酒店旁的山, 處處都有溫泉水的煙冒出!



我們的房間是向山的洋式房間, 19600 yen 包一泊二食,
揸咗成日車, 攰死我了! 忘了拍房間的照片~

因為酒店離市中心有點距離, 整晚待在酒店太悶了, 於是趁舖頭未收工想去行行!
我們搭酒店 shuttle bus 落去別府 JR 站一帶行吓, 冇揸車是因為要搵地方泊車實在麻煩!

那裡有一個叫 ゆめタウン別府的大商場, 入面都幾多舖頭行, 見到好靚的日系生活用品, 想買又冇買, 最終還是後悔了...........
行咗個零鐘, 又搭 shuttle 上返酒店~



晚餐是 buffet, 很多很多種類的食物, 吃得滿意!



這個牛超好吃啊!!
















吃完飯抖抖, 就要出動浸溫泉了!
本館內有通道讓住客通過 Hana 館再行去溫泉那邊,
棚湯是由三層梯級式的溫泉組成, 露天又通爽, 一邊享受溫泉, 一邊欣賞美麗的夜景, 太幸福了!!!

那裡還有個人造的水上樂園, 小朋友一定玩得開心, 不過我哋冇去喇~

第二天起來, 見到噴晒煙的山景






早餐也是 buffet, 清新美味~






吃過早餐, 我們又起程了!!

[2013 北九州遊記] 九州自然動物公園アフリカンサファリ African Safari

第五天的第三個景點, 就是九州自然動物公園アフリカンサファリ
http://www.africansafari.co.jp/
Tel: 097-848-2331

慳錢攻略: 可以喺LAWSON 先買定動物園票
Code: 87164
當時價格原價 2300 Yen, LAWSON 賣 2100 Yen, 不過而家已加到 2500 Yen 了!

我揸車由久住的花田到別府, 懷疑中途被 GPS 老點兜了不該行的崎嶇山路......
不停的轉彎再轉彎, 揸到我想死........
揸咗個幾鐘先去到, 我隻右腳真係痺咗, 嗌救命!!!!!

去到有好大的停車場, 泊好車, 剛好三點鐘的遊園車準備開車了, 乖乖付上每人 1000 Yen 排隊!




然後獲分發每兩個人有一兜食物, 用來餵動物的



這盤就是我們的了



這個動物公園有別於一般的動物園, 一般的是把動物關在籠裡, 我們在籠外看牠,
但這裡就是把動物放養在草地上, 有點似和歌山白濱的 Adventure World, 人就關在像鐵籠的車上看動物~
與 Adventure World 不同的, 是這裡連城河和通電的圍欄也沒有, 動物都很自由地走動, 對動物是好的!

出發了!



遊一圈大概半小時, 見到的動物太多了!
見到不同的動物, 要餵不同的飼料, 司機會講解, 我們聽不明日文, 見人餵乜就跟住餵乜~



有動物很積極地來討吃, 有些就懶洋洋, 對我們的車子全沒興趣!






張大口的獅子, 小朋友見到都 O 咀!






最大隻的朋友, 一定是大笨象了!



較少見的毛牛, 樣子很可愛






最長舌的, 一定是長頸鹿






開心的時刻過得特別快, 遊完一圈真的意猶未盡, 可惜都要落車了!
已是四時多, 我們還未吃午餐, 餓得波比呱呱叫
去了這裡的小餐廳醫肚



距離關門時間尚有一小時, 餐廳被我們包了!
這裡是吃漢堡的, 即叫即造, 餓起來什麼也好吃!






炸雞, 味道不錯~



吃飽了, 慢慢再遊其他園區, 其實除了剛才的 Safari , 這裡沒太多其他景點






只有數種小動物, 例如不怕人的袋鼠, 可以買飼料餵呀



馬仔









這裡的河豬好攪笑o架, 第一次聽到佢哋叫~
咁就行完了, 其實成三千幾 yen 來一次, 真有點貴, Adventure World 的 CP 值絕對較高,
但來一次感受一下零距離餵動物也是很不錯的體驗 :)

[2013 北九州遊記] 十月的九州花田 - 久住 くじゅう花公園 Hana Koen

在阿蘇之司酒店的晚上, 無無聊聊, 睇吓 Google map 附近有咩,
無意間發現了這個 久住 くじゅう花公園 http://www.hanakoen.com/
Tel: 0974-76-1422

看網頁的介紹, 嘩嘩嘩, 有花田呀!!!!!!!!!!!!! 
我從來沒有想過這個九州之旅會遇上花田, 而且秋天還有花田的嗎??

今天的行程雖然好趕, 但攝時間都要去睇吓!
由大觀峰揸車往東面走, 大概 40 分鐘的車程就到
1300 Yen 的入場費, 是有少少貴, 但花田呢家嘢, 可遇不可求, 俾就俾啦!!!

門口, 已有很多七彩的花花了!



入到去, 到處都是花! 創辦人很用心的打理~





先往右邊走, 有點上坡, 有小吃店, 之後就是大片的花田
日本人, 總是很貼心, 老人家來參觀, 可租用 Golf 車, 唔洗行就可以上山落山

見到這景色, 不禁大叫:「好靚呀!!!!!!!!!!!!」



往左走的話, 是大大片紫色紅色的鼠尾草花田, 超超超壯觀, 覺得自己去了北海道!!















真係太靚了!!!!!!!!!!!!!!!!




另一邊有波斯菊






今日的粉紅色衫幾襯喎 :P







那裡還有個小溫室, 有些可買走的小盆栽



其實今日好熱, 我不停的滴汗, 去到咖啡店, 是天堂



冰咖啡, 超好喝!!!



由咖啡店向出口走, 又是另一些小菊花






相片太多了, 拍得瘋狂超開心, 多謝老公明知趕都容許我一到這花田, 真係好靚好靚好難忘!!
自駕的朋友, 實在太推薦你要去了! :)