[愛烘焙] 永不失敗的 Panasonic PM105 麵包機 - 紅豆包包

這星期, 再用麵包機做了兩次麵包, 真係要大大大讚這台麵包機呀!

自己煮了紅豆粒粒, 用 Mode 2 整方包, 不過攪拌後紅豆都碎了, 沒有想像中的口感,
但一讚部機的防黏塗層做得超強, 麵包永遠一倒就出來了!!

我發現跟機食譜造出來的麵包, 質地是較鬆散, 似是西式的 muffin, 有一個個大大的氣孔



我還是較喜歡吃港式包包, 所以第一次用這麵包機整有蛋成分的包包,
我用了不失敗的 Carol 老師食譜, 用 Mode 10 搓了約半小時, 見佢停機就睇睇,
天啊, 點解可以搓到咁靚的麵糰, 一拉就有薄膜,
靚的程度, 是我用人手搓/ 打蛋器搓/ Delonghi 麵包口焗爐搓, 都唔係一定得的,
只覺得這二千蚊是絕對的物有所值, 真是「不費吹灰之力」就造到夢寐以求麵糰

拿了幾份來做粟米芝士包同提子包, 焗出來就是鬆鬆軟軟又綿密的港式包包口感, 太喜歡了!!



大麵糰用來造紅豆卷, 嘻嘻, 超多的紅豆, 半夜焗好了也忍唔住鯨吞一大件!



其他烘焙食譜按此