落機後就到台北田徑場取選手包, 已經冇乜人唔洗等, 攞完仲有得影相
我的目標時間是兩小時完成!
12月15日, 5:40am 就離開酒店出發, 搭捷運到市政府站,
幸運地趕上了車, 否則要等 20分鐘先有下一班~
車上和車站內都人頭湧湧, 滿是馬拉松跑手,
出站後, 先去一去洗手間, 通常洗手間都是女廁大排長龍的, 但台灣人就是細心,
女廁比男廁大好多, 又乾淨, 不用排太耐就去到,
在車站內拉拉筋, 差不多 6:30am 就上去寄行李
行李都要用指定的行李袋, NT100 一個, 不過可以在其他的台灣跑賽重用, 其實蠻不錯
因下著雨的關係, 大會又細心地幫我們每個行李袋再套上膠袋, 值得一讚!
計時晶片是勾在鞋上那種, 跑完回收可攞返 NT100 按金
走到起跑點, 已經很多很多人, 迫唔到入去中間,
19度的氣溫, 其實唔算凍了 (比起上年跑神戶的 4 度.......)
雨愈下愈大, 好彩我前一日買了便利雨衣, 起跑前起碼可以唔洗淋到咁濕, 也有防風保暖之效,
沒有穿長袖衫, 是短袖衫加手袖, 熱就除了, 可用嚟抹汗, 一物二用!
6:59am , 精英組的選手先起跑, 其實這安排也好, 不至於他們被推撞而影響時間
我們企得後, 也可在大銀幕見到起跑點的盛況, 讚!
7am 就是我們起步的時間!
打這篇 blog 時, 我發現我擺相的 flickr 無啦啦 upgrade 了 system, 而家在網頁中的相片不是以 jpg 顯示, 而是用了種 iframe 的技術,
你在相片的左/右邊按箭咀就可睇到其他相~
好處是有時一篇 blog 太多相, 我其實要逐張從 flickr copy html code 過來, 是很花時間的, 而家就 copy 一張就得了!
而且唔洗令到一篇 blog 太長~
不過在電話/ ipad 睇就可能麻煩D, 不過都試用吓呢個新 function 啦,
大家左按相片去睇, 左下角有 caption 的~
再來精選相片, 今次波比先生全程陪我跑, 多得三防的 SONY 相機, 在下雨天也拍到很多照片,
又多得大會的攝影好有效率, 兩日後已經有 official 的相睇, 用 NT2200 買了幾十張相, 實在抵到爛!!!
好難得比賽中有合照啊, 太喜歡了!
也很喜歡這一張, 這條橋很特別啊!
仲有兩公里, 無啦啦見到西隧?! 唔係化......
跑了 19 公里, 左腳踭有點痛, 肚又有點痛 (懷疑尋晚食咗的怪味壽司是變壞的!), 餘下的旅程, 都有點吃力~
已經都幾攰的時候, 仲要我上斜, 真係好想死......
上完我勁想行吓就算, 但老公監視住..... 冇得偷懶......
老公過隧道後仲叫我發力衝吓, 唔係化, 衝你個頭咩...... 捱到返去都算好了!
超多謝這位攝影師, 好好好鍾意呢張!
很累很累之下, 終於都見到終點的大門了, 好感動
我們拉著手衝線, 我完成了人生第二個半馬, 也是海外的第一個半馬
不過可惜我們的衝線相, 一張只影到我, 一張只影到波比, 沒有完整的合照
唯有自己用 Photoshop 駁返埋佢 XD
在 101 下完跑, 有大毛巾有紀念牌, 太開心了!
仲有好多完跑禮品~
雞精, 水果, 三大個麵包, 水~ 太豐富了!
成績方面, 我呢排冇乜練習 (天氣凍又病嘛...), 本身諗住跑兩個鐘都好好了! (今年渣馬是 2hr3min)
點知....... 我跑到 1hr56min 呀~~~ 實在太不可思議吧, 下大雨, 地下濕又跣,
或者就是要多得老公全程監視所以冇得偷懶。。。
共有三千名女子半馬跑手, 我跑 99 名呢, 簡直是光宗耀祖的感覺!!! XD
完跑後, 在車站的洗手間換件衫, 就返酒店沖涼換衫準備食大餐!
在外地跑步, 真是很好的體驗, 就是用腳去看風景和認識一個城市的人和事,
不知道我們的下一站又在哪裡呢? :D
[2013 台北馬拉松之旅] 好吃的雜記
[2013 台北馬拉松之旅] 宜蘭之另類景點 - 烏石港魚貨直銷中心 x 海邊的伯朗咖啡館 x 幾米公園
[2013 台北馬拉松之旅] 米朗琪咖啡館 x 看見台灣
[2013 台北馬拉松之旅]湛盧咖啡市府摩卡館
[2013 台北馬拉松之旅]超好吃的瘋麻辣- 麻辣火鍋吃到飽
[2013 台北馬拉松之旅]礁溪溫泉暖呼呼推介 - 礁溪溫泉公園
[2013 台北馬拉松之旅]烏來溫泉暖呼呼推介 - 馥蘭朵烏來渡假酒店
[2013 台北馬拉松之旅] 一起完成的半馬
[2013 台北馬拉松之旅] 出發了
沒有留言:
發佈留言