So sad...

今日返工, 我記得我應承了那中風的女士會去睇佢,
我在排板寫低了今日會 review case, 照理病房的同事唔會又出 referral,
點知, 今早我見到有佢個名的 referral 喺我個 tray,
心情沉一沉, 心知不妙....

上到去病房, 見到她無力的睡在病床上, 家人在床邊,
原來就在我見完她的星期五晚上, 她的情況忽然轉差了,
今日的 GCS, 跌到得返8 分.....
見到她的情況, 心中有萬分的沉痛,
這是自從上年工作不久, 目睹一個肺癌病人由精精神神到痛苦地過身的一次以來,
另一次令我有如此大的心靈震撼和悲痛

她是一位可愛的女士, 為何會有如此的遭遇?
走到床邊, 我叫她振作, 叫她加油, 但她疲憊的向我搖搖頭....

或者人走到最後的路時, 自己真的會感覺到自己還能撐多久,
曾經有同事憶述睇症時, 一個婆婆對她說:「姑娘, 我都係唔得o架喇」,
轉個頭下一次去, 婆婆就走了.....