唔合格!!!

澳門之旅, 竟然同米雪住埋同一間酒店,
於是相約了第二天見見面, 順便見一下大個了的 Siu B!!!

噢, Siu B 愈大真係愈靚仔, 連波比先生都讚佢係一個靚 BB

第一次想俾波比先生抱吓 Siu B, Siu B 唔制~ (驚驚 + 匿埋)
點知轉個頭去到 Lift 口, Siu B 見到波比先生, 忽然間舉起手想撲去波比先生到,
莫非俾佢的紅衣吸引?

但係波比先生一抱 Siu B, 嘩, 真係我仲驚過佢!!!
佢抱到咁嘅樣, 我真係好驚佢會整跌 Siu B 囉!!!

唔合格呀!!!

唉, 如果第時我生仔, 一定好勞氣....
淨係要教個大嘅點樣照顧個細嘅, 都一定有排煩......
如果是仔的, 我深信一定會似足波比先生是個搗蛋王!

今日剛同大學的老師 Polly 通電話, 佢問我打算生未呀?
哈, 未有耐啦, 讀埋個書先,
用呢兩年時間, 去評估一下究竟我哋有冇可能照顧到一個小朋友, 冇就算罷啦~

Siu B 同我一樣, 去完旅行就病了...
我都係不停地流鼻水同喉嚨痛, 食極藥都未見明顯好轉....
喺病房不停地包雲吞, 一日包足二三十隻囉~

希望 Siu B 同我都快 D 好返啦~