自家製 Pizza

話說有一日, 去凍肉店買嘢, 收銀阿姐話有新貨, 係個好似 Pizza 的芝士餅,
橫掂都係 $9.9 , 買嚟試試啦!

今日趁放假, 就整咗嚟食!
$9.9 的貨色, 本身冇咩期望, 以為淨係芝士 + 餅底,
點知仲有香草同茄汁底, 好意外!

我特登買咗好好味的北海道蟹柳, 同埋煙肉加上去!
仲有加D 茄汁


放入焗爐焗十分鐘就食得喇, 嘩, 好香, 賣相好 ok 喎!


食一啖, 嘩, 不得了呀~~~~
餅底好好好脆, 芝士溶晒好香, 一咬就連住一條條的芝士絲,
加埋蟹柳同煙肉, 真係好好好味呀, 仲好味過出街買嗰D 呀!
可能就係因為好新鮮, 即焗即食, 而材料又自己揀到最好的緣故啦,
真係好好好正啊!!
平時一定食唔到3件 Pizza 的我, 今日都一口氣食咗 3 大件呢!

同場加映, 日本杯麵時間!

日本買的杯麵, 永遠都係超少的麵底, 但超多的醬料~

呢一款麵好得喎, 因為有埋幾片真嘅叉燒添呀!
有冇人去開日本, 幫我哋帶兩個返嚟呀?

打呢篇 Blog 時, 收到一個好消息,
就係有一個好朋友佢又報咗我將會讀嘅 Master course,
啱啱知道收咗佢呀!!!
嘩, 我知道咗, 分分鐘開心過佢呀!
因為真係從來冇諗過會同佢一齊讀 Master,
從來冇諗過會有人會同我一齊返學放學去埋食 Tea,
從來冇諗過會有人陪我走過未來的兩年,
真係好開心呢~~