忙

尋日放工有 D 時間, 去咗燒傷部探那個小妹妹,
三個月冇見, 嘩, 佢塊面仔肥咗好多, 證明佢食得瞓得嘛

真係十萬個佩服外科醫生的精湛醫術,
小妹妹本身只得返兩隻手指, 經過醫生的不斷努力, 小妹妹亦捱過了不少手術,
切的、縫的、移植的, 而家佢已經有返四隻手指了!!

尋日帶咗隻朱古力復活蛋去送俾佢呀, 佢不知幾開心!
仲問我: 「妳放假呀?」「蛋蛋喺邊度買呀?」
以前她的小手, 連玩具都未必捉得緊, 而家多了小手指, 她可以了~
醫生們真係好偉大啊~

一日睇咗 13 個 out-patient, 算是破了記錄嘛~
近來開始唔會成日做到個個 case 都過鐘, 攪到全部 case 都一齊遲完再遲了,
要常常提醒自己 「半個鐘, 好收工」,
如果唔係要下一個 patient 等, 其實都好唔公平

今日冇時間再去睇睇中風的女士, 希望明天可以見到她啦....