醫之天使

如果我問你邊個會係醫院裡最有愛心的 profession? 你會點答呢?

在內科的急性中風病房見了一位女仕, 未夠60 歲, 已經中o左幾次風....
半身不遂, 說話吞嚥困難, 可能令她的日子覺得很難過,
最難過的是, 她頭腦很精靈, 很明解身體上發生了什麼事,
她覺得很絕望, 似乎很想放棄....

與她短短的評估當中, 其實情況也不十分理想, 我可以 recommend 佢要插喉,
但一個已經咁冇鬥志的人再要佢插喉的話, 相信她對生命會更加失去信心,
於是我有時都幾勇的, 即管唔插住試吓先啦~

佢在評估中不停同我講,
「我唔得o架喇」, 「我就死o架喇」,
我話下星期一再嚟睇佢, 佢話:「妳見唔到我o架喇」
但佢又會同我講「我有車牌o架, 我以前揸車o架」
說話中存在著想生又要死的矛盾

見到呢 D case , 其實一路都唔知點可以喺心靈上幫助到佢多一點,
醫務社工? 佢哋其實都係負責解決錢呀, 出院後安置病人的問題多, 似乎什少會真係同病人傾偈,
雖然有D 醫務社工係好有心的, 但資源問題, 亦唔係個個病人都可以 refer 俾佢哋,
我更加唔係一個 referral source.....
臨床心理學家? 大家都知佢哋幾高貴, 通常都係有自殺傾向的病人, 先會勞煩到佢哋,
而且佢哋通常都只係會見一次, 唔會定期 follow-up,

好感恩地, 下午我咁啱替同事去 review 一個 case 時, 見到醫院的院牧,
多口的問問其實佢哋的工作性質, 先知道原來佢哋去會去做D 心靈關顧,
會安慰, 鼓勵病人, 當中並不一定包含傳教的性質 (因為唔係人人都受),
噢,太好了, 於是我將今早見到的那位女士的情況話咗佢聽,
佢話都可以上去探吓佢, 睇吓有咩幫到佢,
以後再有類似的 case, 我終於知道可以搵邊個幫手了!

雖然大家都戴住口罩, 但呢位院牧俾我的感覺係好慈祥,
好耐心地去聽病人說話, 好真心地去幫佢輔導緊的病人,
在一間打衝鋒的醫院, 從來不會有人如此細心聽聽病人說話~
當時的是一個 MND 的病人,
聽到我講那中風女病人時, 她忽然間哭了.....
或者是感同身受, 因為她們頭腦都十分清醒, 卻又知道自己身體是怎樣的差