威尼斯人房間篇

我哋返嚟喇, 呢個澳門之旅好開心呀, 可以話係冇行程又勁 hea!

首先一定要介紹我哋住嘅威尼斯人, 可能經濟不景,
威尼斯人俾 offer 波比的公司的員工, $1000/ 晚! 嘩, 真係好平!
(應逐話如果唔係咁平, 我哋都唔會無啦啦去)

3PM 去到 check in, 唔知做咩攪咗好耐, 點知接待小姐話「唔好意思, 冇晒 700 呎的雙人房」
「要 upgrade 你哋去 1500 呎的套房」
噢..... 大家都 O 晒咀......
(但其實好奇怪的, 明明我哋之後, 仲有一千幾百人未 check in, 點會冇晒雙人房??)

好了, 向我們南翼 7 樓的 Hospitality Suite 出發!!

我哋先一同入晒其中一間房, 嘩嘩嘩嘩嘩, 尖叫到停唔到!
有幾誇? 帶大家睇睇!



嘩, 淨係條走廊+ 工人廁所 + 衣帽間已經係我哋屋企大半個廳咁大!!!



嘩, 好過份, 呢間絕對唔係一間房, 係一間屋!!!



有好舒服的6 人梳化!



超大的床, 旁邊開 4 枱麻雀都得!!!



最過份的, 係打開個落地玻璃窗, 可以行出花園, 冇錯, 係花園!!!

波比同事話今晚應該要喺度燒烤!



睇吓 D 配套, 嘩, 都未見過有咁多款茶供應!
有個桂花綠茶好好飲!



個咖啡都唔錯!



從全見過咁 full 的酒店雪櫃, 啞咗.....



仲有 All-in-one printer, 唔係嘩?
查實可以插相機張 SD card 落去印返張相留念!



櫃入面有大電視



到參觀洗手間了, 嘩, 透視 bathroom......
不過設計有點問題, 入面真係得4面牆, 連擺梘液的小架子都冇.....



提供的用品全部都好 OK!



有陽光曬入嚟, 坐在房中其實好舒服



不過房間大, 真係拎格廁紙都有排行.......
呢間房係我哋去東京住的酒店的 4 倍大小囉, 真係好誇!
如果多 D 人入晒嚟鋤 D 玩 UNO, 一定好開心,
不過我哋要周圍去, 都冇咁嘅時間添!

另外美中不足的, 係咁大間酒店, 竟然冇免費無線上網,
要上網, 多謝 $160 啦~