特價酒泉 Lunch

念念不忘的酒泉壽司, 我o地又o黎喇!

上次發現星期六日的 11:30-1:00 及 4:00-6:00 都係特價時段,
d 壽司全部都好抵, 所以我o地今日一定要o黎試o下

去到見到枱枱都瘋狂地點壽司,
例如 5 件鰻魚, 10 件三文魚等等, 個個都好狼!

我o地盡量叫多 d 款式, 樣樣都試o下!

先o黎呢個什錦刺身, 你估幾錢?
嘩, $38 咋, 平都你唔信, 但係件件都好新鮮好正o架!

舊帶子簡直大到嚇死人! o係香港我o地都未食過咁大件帶子呀....
成 2/3 隻手板咁大!
我o地覺得如果o係出面食, 冇$50 都唔得!

跟住就係壽司喇, 好平呀!

長長的鰻魚, $9, 波比先生至愛

除o左年蟹羔壽司, 其他全部都係 $5-$6/件咋!

呢度 d 壽司好大件, 有 d 人就彈佢唔夠日本正宗,
車, 好食就得啦, 大同細有乜分別?!

2nd round 再來三文魚, 仲有帆立貝

下次一定要再叫的天婦羅炸蝦壽司,
超大又好爽脆的蝦, 即炸脆卜卜, 超好味!!
唔似得有 d 壽司店俾 d 炸完攤到凍晒o既你~

呢餐 $122, 我o地都覺得好抵呀!