長龍米線店譚仔記

知道今日一定好夜收工, 預約定波比先生出旺角食飯好了~

今日終於有機會同波比先生一齊食譚仔記,
上次同阿靜食, 好好味好抵食, 但超多人!!

今日我去到, 門外都有二三十人排緊隊,
好彩波比先生先到先攞位!

我o地叫o左佢o既招牌米線 ($40), 多料都嚇親人!
牛肉, 豬肉, 雞肉, 豬膶, 竹笙, 牛丸, 墨魚丸, 腐皮, 豆卜, 火腿, 芽菜,
仲有另上的肉醬同埋酸菜!
麻辣味o岩o岩好, 超惹味呀!!
不過真係太大碗, 同波比先生好努力先食得晒!

仲有叫o左佢o既雞翼 ($15/3隻), 都唔錯啊!

唯一唔好處就真係佢太多人, 好迫!
一張細圓枱, 竟然夾硬坐 8 個人落去!?
攪到你撞我, 我撞你咁....

不過如果唔係咁平靚正, 都唔會長期排長龍啦!
值得一試呀~

食完飯拍拖行街, 買到條手繩俾我部相機喇, 開心~
又去o左 Mc Cafe 同波比先生飲咖啡食雪糕,
假期前夕真係唔同 d~