重遇

前兩日波比先生講, 我先知道今日係假期,
今日開始我要乖乖讀書呀, 因為 10 月開始我有好多 out-patient 要睇,
好多好多新o野要學

趁著一日o既假期, 中午去搵完 Daddy 食飯之後,
去o左置樂度逛逛

置樂係我讀o左 7 年中學o既地方,
對呢度有說不出的感情, 因為太多開心事、傷心事o係呢度發生過~
從安定輕鐵站落車, 行一條熟識的路,
路上的舖頭似曾相識, 經過兩家我最愛的麵包店, 但已經唔肯定有冇轉過手了

去到置樂督魚蛋, 行萬寶商場入秋裝, 而家呢度 d 衫有 d 都幾得喎!
再去行行利寶商場, 好多 game 賣,
仲o係一間寵物店見到一隻好肥、眼碌碌、勁可愛的兔仔,
好想帶佢返屋企!!
(我o地一路都有諗過養寵物, 但怕成日去街的我們冇時間照顧
停一停, 諗一諗後, 都係唔好喇, 我o地睇o下都好開心的!)

行經一家日本零食店, 巧遇 BOSS 的咖啡!
有咩特別? 咪係我o地o係北海道時成日'才禁'機買o既咖啡牌子囉!
日本賣 150 yen (~HKD 10), 今日我o地見到係 $10/ 4 罐!!
波比先生話平得太離譜, 驚係大陸o野唔敢買!
我睇過個罐係 Made in Japan 喎, 又未有耐到期,
$10 點都買o黎試o下啦!!!

加埋一個o係吉豬島麵包店買的紅豆芝士蛋糕,
係最幸福最好味的下午茶啊!
罐咖啡真係好正o架~

o係吉豬島超市買o左好多餸, 今晚同聽晚都有得煮飯仔, 開心啊~

話時話, 自從尋日買餸咁激氣之後,
我上網 search o下究竟有冇超級市場o係我落村巴o地地方,
點知有重大發現, 就係原來o個度過一條街有間百佳!!!
嘩, 對我o黎講簡直係個天大o既喜訊呀~~~~

簡直係可喜可賀呀

波比先生你以後會有返住家飯食喇!