開心煮飯天

放完一日假, 排山倒海的 referral....
今日仲要少o左一個人手, 做到趴o係度.....

6pm 先睇完晒 case, 諗住慘喇今晚又煮唔到飯啦...
但就因為尋日買o左o既雞扒, 迫住我一定要煮,
所以九秒九的速度換衫走人, 好彩仲搭到村巴!

第一次去新發現o個間百佳, 好細間, 唔多新鮮餸賣,
但意外地發現對面有間凍肉店好掂呀!
凍肉海鮮冰鮮肉, 醃好的扒類, 乜都有呀, 好正呀!
見到樣樣都想買 , 有好多好多菜色我都想煮呀~

今晚 Dinner

<沙茶蝦仁百福滑豆腐>
d 蝦仁好爽呀, d 豆腐就好滑,
我都係早排o係酒樓食到百福豆腐煮o既餸, 先知原來咁滑咁好食

雞雞係 波比先生的長期至愛

娃娃菜煮粉絲, 好耐冇食過了~

登登登鄧 --- 今晚o既特別嘉賓, 你估係咩o黎?

係o係北海道買返o黎o既「海膽貝柱」,
即係有幾粒帆立貝 , 再有好多好多海膽碎伴住
味道嘛, 又唔係想像中咁好, 可能海膽都係要新鮮食先得啦~
成 HK$70 一罐, 俾波比先生話唔好食,
於是俾晒我帶飯...

海膽用o黎帶飯喎, 相信我呢世人應該都只得呢一次