謙謙同樂日

好多個月冇見謙謙了, 今日約o左出o黎遊玩

本來波比先生公司又有迪迪尼的半價優惠,
想請謙謙去迪迪尼, 點知佢話驚有哈佬喂o既o野唔去喎, 真係啞晒...
於是今日就決定去黃金海岸玩

我o地先去了元朗的嘉麗園食墨魚丸, 真係好彈牙好正!
元朗的美食真係太多, 食極都未試得晒~

跟住我o地搭小巴, 向黃金海岸出發

謙謙對商場冇乜興趣, 大步走向沙灘

買了富豪雪糕, 食得幾開心!

不過謙謙同有 d 小朋友一樣, 好怕踩沙,
迫佢除鞋後, 佢大叫得要生要死, 點都唔肯行!!!
還是波比先生有辦法, 氹謙謙一步一步地走~

謙謙行行o下史都唔肯落地, 踩住波比先生o黎行...

我o地用拾貝殼o黎引佢去海邊

像樹熊仔的熊抱, 衝呀~~~
我o地仲可以抱得起你幾多年呢?

試o下落水啦!

喊晒救命之後, 其實冇乜大不了, right?

謙謙仍詐嬌要人抱

繼續拾貝殼

謙謙今朝出門口前打o黎話: 「豬太呀, 我好想見到妳著裙呀, 妳著裙俾我睇啦」
我:「o下... 我o地去沙灘喎」
佢:「唔緊要啦, 著裙好睇 d 呀, 我好耐冇見妳著裙喇, 至多帶條褲o黎換囉」

哈, 真係服o左呢個人仔, 永遠古靈精怪要求多多

如果今日有藍天白雲, 相信會更開心

痛苦要叫喊完一輪, 終於都有得著返鞋了
跟住就玩我送俾佢o既遙控九巴

回程時見到好靚的花花

見到古典電話亭

打俾佢最愛的老師

可惜人家冇聽佢電話

超級車迷的謙謙有得坐 K 車, 開心史佢~

下一站係屯門市中心的 Toysrus,
謙謙簡直係俾 d 車仔吸住o左咁, 的佢都唔肯走....

仲有冒險樂園, 竟然有碰碰車玩,
謙謙第一次自己控制一架會郁o既車, 開心史佢咯!

特別鳴謝波比先生陪少爺揸車,
我同謙謙媽咪見到架車咁撞法都真係唔好攪喇

吃了一個 Euro Go Go 的 tea, 再去 80M 巴士專門店運桔
最後, 搭西鐵回程了,
一日內坐o左咁多唔同的交通工具, 謙謙真係好開心啊~

波比先生對住小朋友, 真係有佢o既辦法,
或者因為大家都係男仔?
有 d 我同謙謙媽咪都攪唔掂的問題, 波比先生真係 handle 到~

不過返到屋企, 波比先生攰到即刻攤o係梳化度瞓著o左...

今日o係海灘, 見到好多 BB , 仲有好多手持 DSLR 影 BB 的爸爸,
去到反斗城, 又係全部小朋友,
冒險樂園還是一樣, 充滿小朋友~

有時我o地會講o下第時有小朋友會點?
好似謙謙的話, 一定好攞命, 愛大叫大跳衝動搶小朋友o野玩, 唉...

暫時淨係知, 如果有小 Baby, 波比先生就唔再可以:
星期五去肥仔屋企打機打到半夜三更,
放工後攤梳化打 PSP 上網睇足球,
仲有冇得去旅行, 冇得鍾意就去街,
去街食飯你都唔知顧得自己食定要小朋友,
放工後要跟功課溫習,
所有假期請預留同小 baby 去沙灘去 playgroup 去學興趣班,
當老婆同奶奶教養上有分歧時, 請自行解決
and a lot more........

生之前最好換間大 d o既屋,
一定要買架車, 同埋預 d 錢請個工人, 哈.... 難攪...

雖然, 平時見到人o地的小 baby 超可愛趣緻時,
真係會覺得好幸福,
我亦都相信波比先生會是個好爸爸~

等我o地再玩多幾年先啦, 哈哈~