陪太子打冷

打冷食物, 豬太一 d 興趣都冇....
不過見豬生成日講到好想食咁, 今晚就史無前例地兩條友去打冷啦!

韮菜豬紅, 波比先生成日話要食, 終於都食到了,
味道唔錯啦~

蠔仔餅幾好, 比廟街的還要好呀,
不過太脆了, 食到個咀損晒呀...

潮州鹵水鵝拼生腸, 又係波比最愛,
但我真係覺得唔多好食...

成日影埋咁多食物相, 奇妙的網路上,
有位雜誌記者睇中o左我o既幾張相, 問可唔可以登o係雜誌的飲食專欄,
否則佢真係食唔到咁多間餐廳去俾食評,
幫到人的唔怕做o丫~ 哈, 唔知幾時出街呢?

豬太就o黎有學返了, o黎緊的 13 個星期四都會去上 course,
同 Cora 阿靜一齊上實在太開心!
雖然聽到個 course 的 comment 都頗差 (兼冇乜用),
但抱住純粹去聽o下o野o既心情, 我相信都一定有得著o既,
橫掂我又唔會真係做o個個 area o既o野, 輕鬆的心情去吧~

到 2009 年頭, 又有另一個 medically related 的 course 我真係好想上,
不過要睇睇放工趕唔趕得切去先得~

係時候收拾一下心情,
physically 同 psychologically 都要準備一下如果出年讀 Master 喇~

除o左工作o野, 仲有 d 業餘o野想學:

(1) 化妝 (已報) - 雖然豬太婚後已經完全冇再護膚,
平時亦都係 c9 look 返放工, 但有時出o下大場面, 學o下化妝都好呀!
o黎緊有好多好朋友都結婚了, 話唔定可能幫到o下手!

(2) 攝影 - 打算報初級攝影班, 不過仲未諗得掂 d 時間夾唔夾到,
星期六上又好困身, weekday 上又驚太晏放工去唔到

(3) First Aid - 我張急救證書過期o左 N 年喇,
不過一上又 30 個鐘都幾係o野, 要搵到 partner 先上喇!