有時出去食, 不是超好吃的話, 都提不起勁去寫,
今天要即刻寫, 因為今天遇上了一家超有水準的餐廳
在 The One 21 樓的 Wooloomooloo Prime, 是 Wooloomooloo Steak House 之姊妹店,
今年結婚週年時吃過 Ruth's Chris 後, 覺得下一間想試的就是 Wooloomooloo
因為 Restaurant Week 的關係, 今日有幸一試
等了又等, 終於都到今日了, 事前希望今日要好好天,
本來天文台預測整個星期都有雨, 點知呢兩日就是熱史人,
上到餐廳, 超超超美的維港景色, 十分感恩有這樣的好天氣 :)
也有幸被安排的就是靠窗的座位, 就這樣看著藍天白雲吃午餐, 嘻嘻, 當是昨天的 20km 後的大獎勵!
點了兩個 set lunch, 先來了麵包籃, 麵包外脆內軟很好吃,
今朝雖然冇跑步, 但都踩咗 9 km 單車, 肚餓得很, 連吃了兩個, 很滿足!
侍應先生見到我們吃完, 竟再俾多一碟我哋, 哎呀, 早知同佢講唔要, 免得浪費呀~
Cream of Mushroom Soup with Truffle Oil and Shaved Parmesan
超濃郁的菇菇香味, I Like It!
Tasmanian Smoked Salmon, Tiger Prawn,Sour Creamed Cucumber and Focaccia Crisp
Set Lunch 包兩杯酒, 大家都知我唔飲得, 但又貪心試了兩啖,
覺得 Semillon 很不錯, 不過酒精好快上腦, 攪到 palpitation 之後又好眼瞓......
Linguini with Crab Meat, Green Mussel, Scallop, Squid, Parsley & Lobster Cream
海鮮全部都好新鮮, 好好食!! 尤其是那帶子啊, 很鮮味~
龍蝦汁中很多蟹肉, 整個扁意粉是十級的美味~
我們不再是年輕時般可吃很多, buffet 真的開始不適合我們, 差不多的價錢, 慢慢吃個有質素的午餐來得更好
Grilled Australian Angus Tenderloin, 我們點了 medium rare, 點知來了有八成熟
此時有個熱情的侍應來問我們覺得食物點,
我只是隨便說說牛扒有點 overdone, 佢即刻緊張的問洗唔洗換過份,
嘩, 這就是服務了! 喺香港一般的餐廳, 無論你點幾多成熟, 最後還是差不多的七八九成熟, 慣了~
我真是只是隨便說說, 連忙說不用換了~
其實我喜歡吃熟, 不過波比喜歡吃生,
牛肉味濃, 肉質實在是不錯的!
最後是甜品, 我成日睇西方 recipe 的 carrot cake, 今日終於有機會一試!
原來是冇乜紅蘿蔔味的, 反而有好香的 Cinnamon 味道~
Green Tea Gelato 的茶味超濃, 是雪糕但一點都不覺得膩~
餐後吃芝士?? 還是第一次, 不過送紅酒的話, 感覺又不錯啊!
上甜品時, 侍應先生說經理送個 Tiramisu 俾我哋, 是補償那 overdone 的牛扒,
吓~~~~~~~~~~~~~~ 唔係嘛~~~~~~~~~~~~~~~~~~
我其實真的不介意.............
這 Tiramisu 絕對是超水準甜品, 芝士層非常的 creamy, 上面的黑朱古力又是我至愛,
但我真的太太太飽了, 吃不到幾啖就投降, 可惜......
餐廳更有露天的地方, 居高臨下, 看夜景相信也一流!
下個月當我成功跑到 30km 時, 我又要吃大餐獎勵自己啊 :D
沒有留言:
發佈留言