出發前, 帶了九萬幾樣嘢上身,
帽, 圍住帽的防曬套, 運動手錶, 2XU, 護膝帶, 腰包, 水壺, 毛巾...........
女人要出門口跑步, 男人實在要等一等!
還有搽防曬, 家中那支金色的 Anessa 用了兩年終於都用完了,
在香港原來很難買到, 最後在卓悅搵到, 這支是新版仲有美白, 希望真係掂啦, 呢排不停俾人話我黑咗好多......
這星期, 終於要再加量, 去到跑 20km 了!!!
我呢幾年, 如果不是半馬比賽, 只是跑過一次 20km 訓練咋, 無啦啦, 點會咁 harsh 自己!!!
但要跑完全馬的 42.195km, 踏入倒數這三個月, 每星期也要跑一次長課去「儲里數」, 否則無可能跑得完一個全馬, 很大機會會抽筋~
十分感謝長跑班朋友今日陪我跑這 20km, 大家今年都冇打算跑全馬, 其實冇必要練長課,
但他們就是人很好, 對跑步的同路人很鼓勵, 老公話我倆要練長, 佢哋都加入
今日的天氣, 絕對是酷熱, 喪曬, 火爐, 踏出街已有著火的感覺,
我們由元朗運動場出發, 跑到屯門西鐵站再折返,
一路真有火燒的感覺, 好彩我將自己包到實先沒有曬傷
講真, 唔係咁多人一齊跑, 我實 hea 好多, 又或者未到屯門站已好想返轉頭,
不過一班人傾吓講吓, 20km 真係快過好多!!
天氣實在太熱, 我們每人帶一支 500ml 水, 都知一定要買, 但冇諗過要買成5 支飲品
因為流汗流到吧吧聲, 跑了未到十公里, 已覺得自己的汗臭好難頂!
其實我這星期都有點腳踭痛膝頭痛, 很感恩今日又沒有痛啊, 或者要多得護膝帶同埋新跑鞋
大腿的四頭肌感覺其實有點緊, 生怕會抽筋, 慶幸拉拉筋放鬆點腳步, 最後沒老抽!
跑到返屋企, 18km, 再喺樓下跑多幾個圈, 終於都砌夠 20km, wow, 我完成了!!!!! 超開心!!!
多謝所有人對我的支持同鼓勵!
不過在曝曬下跑 20km, 真有想史的感覺!!
之後的長課, 我都係寧願唔食晚飯喺夜晚跑好了!
跑完這 20km, 我深深體會到全馬很是一項攞苦嚟辛的運動, 哈哈, 同毅行一樣的犯殘!
要花很多時間練習, 花錢買裝備, 花錢買保充品醫療品,
練習後累得很, 又要花半日作休息, 又要忍受半天全身皮膚發滾的感覺,
又要承擔可能的傷患痛楚, 為的, 其實是什麼?
是人生的一個 achievement 吧 :)
這兩個月, 跟這個 plan 練, 暫時都跟得上, 下星期的 LSD 要再努力啊!!!
沒有留言:
發佈留言