大阪馬拉松- 倒數 12 星期

倒數的時間, 實在過得太快.......
轉眼間, 仲有 12 星期, 不足三個月就是全馬了
上星期腳傷, 抖咗三日, 星期四唔痛先再跑,
點知跑完, 星期五又痛過!?!
所以星期六只好 hea 跑了 5km................

今日的起心肝, 去買過對跑鞋, 還是買返對保護好D 嘅嚟練長課, 同埋真正全馬當日著
波比推介 Asics GT-2000, 去了旺角的運動國 (http://www.a-n.com.hk/) 買, 有八折啊!
穿上腳, 當然好有保護又算貼腳, 又比 Kayano 冇咁笨重



黃昏去了跑轉南生圍 12km, 對鞋係好有保護, 但著開 LADY LYTERACER TS3 比較, 真係重好多, 跑得慢好多........
但做運動, 還是安全緊要, 傷咗真係咩都唔洗玩仲後悔.........



哈, 今日又見到敬輝農場的羊咩咩走咗出嚟食草



今日由黃昏跑到天黑, 原來天黑了, 南生圍就有好多蝙蝠飛晒出嚟o架!

今晚難得星期日可在家煮飯, 波比話想食西班牙海鮮飯, 去買好一大堆材料,
煮的時候不算複雜, 但一邊煮緊又有很多材料要準備, 困在廚房, 真係熱死我........
剛沖完涼去煮飯, 煮完又流到成身汗 =.=
這個飯, 還是留到冬天才好再煮喇........




波比話要飲馬蹄雪梨雪耳糖水, 第一次用雪耳煲糖水, 很低 B 的落咗兩朵, 原來太太太多, 攪到成煲都係雪耳 XD