[2014 北海道] オロンコ岩 x 小清水原生花園

北海道旅程過了一半喇! 踏入第五日, 我們離開溫泉酒店前, 在酒店旁的一個觀光點逛逛
這個叫オロンコ岩 的地方, 是一塊很大很大的岩石, 要努力爬樓梯上去



佈滿岩石邊的, 是過百隻的海鷗!
這裡就是牠們的家的, 應該會在這裡生蛋添!






從這裡望到整個知床半島和一望無際的海峽~






不過小心雀屎啦 XD






我們的下一站是東藻琴芝桜公園, 不過去之前, 先去一個叫小清水原生花園的地方 (Tel:81-01-5263 4187)

經過了農田時, 見到泥土冒煙的奇景啊!!!



byebye 知床連峰



又見到牛牛



到了, 那裡有很多停車位



有一個遊客中心, 展示著這裡有的花花



這裡的 JR 只有一條路軌, 只是兩卡的列車行走, 很懷舊可愛



我們瞧海邊走走



........................ 原來五月中所有花都未開, 見到工人好努力地栽種緊..........



在海的另一邊, 仲見到知床連峰


這裡的海和天太美了!!!



相傳當風呎起這裡的砂, 會有很有趣的聲音, 可惜我們聽不到啊~
下次還是找對時間才來吧~




其他遊記: 2014 北海道道東芝櫻之旅 - 總行程目錄

[2014 北海道] 知床酒店推介- 無敵海景知床グランドホテル

我們遊完知床五湖，已是黃昏， 駕車直往酒店



呢間酒店是嚟過日本咁多次中最正的
http://www.shiretoko.co.jp/index.html
哈哈，平時我也很慳家住東橫 inn 架咋，不過耐唔時都可以住好啲

知床碼頭一帶有很多酒店，我們 book 這家是在海邊的，很大很高級的感覺 (有 bell boy 幫我們推行李啊), 重點是有很大的停車場, 我最怕冇位泊車.......



一入房，嘩嘩嘩，超大落地玻璃對住個海，睇日落睇星星正到痺
還有很多海鷗在窗前飛來飛去，太正了吧





放低行李，即刻去浸個溫泉，呢度另一賣點就是向海的溫泉，頂樓也有露天溫泉，對著星空和海鷗浸，爽死了
人不多，差不多每次都是自己包池呢
高級酒店，用的洗頭水至護膚品都是有牌子的
更有電動的 locker, 好先進呀！



之後的晚飯和早餐都是自助餐，食物雖然不是十分名貴，但很好吃












最正當然係有好多甜品同 n 種味道的雪糕，開心死我了











知床的晚上，滿天是星星，好靚好靚，
可惜唔識 set 相機，影唔到

唯有返酒店, 喺大堂播放緊知床棕熊的記錄片, 好睇!



酒店的房間，竟然有咖啡豆同咖啡壺供應，波比就整即磨咖啡，實在太享受了





有人趁老婆瞓了, 飲咗限定的流冰啤酒, 藍色的好靚



第二天的早餐





有這個 view 伴吃, 人生樂也 :)



這家酒店，實在是超推啊！

其他遊記: 2014 北海道道東芝櫻之旅 - 總行程目錄

小醫院小記

一星期四天小醫院的日子, 快兩個月了,
日子就是過得很快樂~

來到這邊, 沒有D 大醫院瘋癲的忙碌, 可把治療的質素做得更好

老老實實, 我這個聯網的同事都盡責認真,
看過第二個聯網的同事的 report, 就知道根本所謂廿多年資歷的人, 做嘢都可以好離譜, report 係完全 hea 打, 我亦完全唔知佢點做評估, 病人在佢嗰邊, 簡直是浪費時間又亂嚟!!!

但我們認真還認真, 病人太多, 太忙了,
治療我們一定會盡力做好, 但有時又根本沒時間做好

來到這邊, 病人量少了, 有時間讓我做做治療的用具和教材,
又有時間在病房開始一些基礎的治療: 這些事在大醫院簡直是妄想!
我終於覺得工作變返有點意義, 自己不再是一部純粹評估的機器~

沒有了我那疑心重的老細監視, 我做做教材也輕鬆得多,
不然佢會用盤問的語氣問你點解咁得閒喺電腦打嘢而唔上病房睇 case.
我向來是自律的員工, 識分輕重, 有病人要睇我一定睇先, 用返工放工的時間做些 paper work, 要是換來盤問, 會很沒趣~
況且教材終歸是用在病人身上, 上層不會想這些改善治療質素的東西, 只會想改善治療數量的把戲,
可能會想我一個鐘頭睇五個case hea 做交數, 好過用半小時見一個 case 用心機去做,
心機, 不會在年終的 statistics 中顯示出來~
睇得少 case, 俾高層的印象是你效率低甚或偷懶, 而不是讚揚你因花了心機和時間, 令一個病人的復康得更好~

這邊的人也很好, 可能大家都是草根出身, 說話就是很投契, 哈~
還常常有人請食嘢, 大家整D 嘢食返嚟 share, 樂也融融~

人少的地方, 少了是非, 少了埋怨, 和平很多, 心境也寧靜很多~
小醫院, 就是很美好 :D

[愛住家菜] 喇沙鱈魚柳

合益廣場開了間很大的 759 阿信屋超級市場, 新開張時去過一次, 迫人到根本買唔到嘢,
早幾日食完飯興起一逛, 哈, 而家冇人了, 逛得好舒服,
買了很多凍肉同海鮮, 今晚整了銀鱈魚

本想整西式的, 但咁啱阿信屋 facebook 喺我煮飯前 post 了一道鱈魚炒木耳,
wow, 似乎是唔錯喎, 我就用木耳同雞脾菇, 加馬來喇沙醬去炒,
嘩, D 魚肉真係好滑呀, 又唔腥, 啱晒波比先生啦!!

嘻嘻, 今晚的蒸水蛋仲要係大成功, 超滑滑!!
而家試到的比例是3隻蛋加 200ml 水, 蓋錫紙, 中細火蒸8 分鐘, 真係好好吃呀~



多謝波比先生, 買了帝京酒店的拿破倫回來俾老婆 (在新元中有 counter)
跑了 12km 後吃, 很滿足 :P

[愛美食] 灣仔德國餐廳 Berliner

我的 off street emergency medicine course 來到最後一堂, 這個 course 真令我獲益良多
今日最攪笑, 係一入課室, 個 speaker 咁熟口面嘅?!?!
諗咗好耐, 呀!! 佢係中學時的 head prefect 呀!!!
斯斯文文, 個樣十幾年都冇變過, 原來佢喺我做的大醫院的急症室做到副顧問醫生了, 厲害厲害!
哈, 唔同 Department, 工作地方時間完成唔做, 有D 可能同一間醫院做了十幾廿年, 你都未撞過佢~

有個儍佬放工為了等我食飯又冇嘢做, 由數碼港行去灣仔搵老婆, 傻o架!
約好了吃德國餐廳 Berliner, Openrice 有張主菜買一送一優惠劵, 好抵呀,
叫個豬手, 送個意粉, 加杯大啤酒, 埋單都係三百蚊到~
豬手同上次一樣, 皮夠脆, 唔會過咸, 唔錯呀~

[愛烘焙] 港式雞尾包 x 芝士肉鬆包

今日對腳痛到史, 唔做運動了, 轉行整麵包
波比先生好鍾意食雞尾包, 但我都未試過整, 今日就奉獻出第一次

書本中的雞尾包餡, 有一半成份是牛油, 很不健康!!
於是我轉用吉士粉做, 味道也有八成似, 又少了油膩感,
其實沒有量度住份量, 只是用暖水加椰汁開即溶吉士粉, 加適量的糖及椰絲,
加適量的低筋粉使其挻身

發酵完畢, 包面唧上兩行的餡料, 再灑上芝麻, 就是雞尾包的模樣

今日發得 over 咗少少, 有D 卸



但超級的鬆軟



還造了芝士肉鬆包, 超級市場有一款卡夫的 mozzarella + cheddar cheese 碎,
用來造麵包/ pizza 都好好吃, 咬落仲會拉出一絲絲o架, 不過就貴D, 成四五十蚊一包

[愛行山] 被騙的八仙嶺

今個 weekend 冇練長課, 反而去了行山, 因為今日行我未行過的八仙嶺! 上兩年約行八仙, 我都唔得閒 join

我們喺太和大家樂食個早餐, 開開心心出發了!

首先要經太和入村, 再行上第一座山



有朋友上了毅行教父 KK 的堂, 今日轉述他的秘技, 是姿態同步法的秘技
其實人人都有他的一套秘技, 我之前也講過, 覺得冇一套是全世界人都啱用的,
自己試過, 覺得用得自然又舒服就好
我們認識的兩位跑步教練, 教的步法都可以是不同的兩派, 但他們都曾是香港公開比賽的冠軍
今天聽到有人出言不認同其他人所講的, 唉, 有啲嘢你唔同意, 聽完就算啦, 我覺得無需出言對質,
你所謂的知識, 咪又係上網睇書以哦傳哦聽返嚟, 可信性有多高呢?? 又不是你自己做過 research 有 evidence 證實,
行毅行要一 Team 人, 如果咁小事就覺得唔啱聽, 好難開開心心行完 100km

今次所學的, 我覺得真是有用, 上了一個 406m, 一個 600m 的山, 雖然行得慢點, 但唔會好快冇氣要企定定咁休息,
兩個山都可以一口氣直上去到, 太犀利了!



見到大埔, 粉嶺仲有深圳的景色






終於都到第一個山頭, 風景怡人



然後就再出發



落山去搵豆腐花



Yeah!! 就係呢度喇!!!



豆花汽水都係 $10, 係搶錢o架喇, 不過個豆花真係好好好滑, 滑到食咗都唔會覺得飽肚
好彩可以喺度買兩支水, 我們本身每人都帶了 2L 水, 但今日天氣太太太熱了, 一出發D 汗就未停過, 冇水補給真係會中暑



食飽上路了



一口氣又上了 500m, 終見橫向的路



呢條路線有好多小花同蝴蝶, 其實好靚呀



嘩嘩, 呢度高到可望到深圳的海灣



難得蜻蜓企定定俾我影



之後是沿山脊向前行



但行咗好耐, 都未到八仙嶺, 當時三十幾度, 有遮都覺得個人發滾, 仲要係喺山頂咁暴曬, 又一次覺得自己攞苦嚟辛!!!



終於見到大美督個壩喇!! 但據我所知仲要前行好多先有路落山.....



中途落了一場雨, 但之後又放晴, 雨水蒸發, 我們被蒸熟了



望到馬鞍山同埋大學站一帶



上到 600m 的黃嶺山頂, 前面終於是所謂的八仙嶺喇
人人都要影齊八個神仙的牌, 先算行完一次!

一路行, 我想起八仙嶺大火定是一件十分恐怖的事, 在這山上得一條路, 無路可退,
發生大火不論向前或向後行, 都離地面很很很遠,
沒有一定體能, 沒有人帶路行的話, 一定要小心!

今天有新團友不敵酷熱天氣中暑了, 好彩有經驗豐富的人士在場照顧



我今日落山時都 PK 咗一次,好彩有護膝帶同 2XU 救我一命, 一跪落去時卸晒D 力,
最勁係條2XU 冇穿, 但我個膝頭哥擦損晒



終於都行完了, 雖然都是預算中的七小時多行完, 但路就是很漫長



我個 GPS 唔準, 朋友的度到行了差不多 20km, 總爬升高過 1500m!!!
我本來今日諗住嚟 hea 行郊遊的, 點知原來今日條路線等同上了一次大帽山!! 完全被騙呀~~~

換埋衫 5:15pm , 諗住食嘢啦, 原知D 餐廳全部唔想做你生意咁, 話要六點先有晚市
最後搭的士出返大埔墟站搵食好了......
第二天, 雙腳酸痛無比, 好耐都冇試過咁