甚少放假而不是去旅行, 這幾天假獨個兒消磨, 其實也不錯~
其實這樣放假, 可能還開心過去旅行, 因為可以約約很久沒見的朋友見面,
平時星期六日約不到嗎? 又不是, 但大家的休息日, 其實也有大家的家庭同活動,
閒日相約, 總覺得份外的不趕不忙~
今天約的是大學的好朋友, 還有探她的兩位千金, 太可愛的妹妹了~
差不多成年沒見過, 實在太太太多說話要講~
小朋友就是超級的乖巧, 一個人實在會悶但也沒騷擾我們談話,
將心比己, 自己小時候跟大家去飲茶, 其實都好討厭大人講極都未完未肯走, 因為我真的很無聊...
見到朋友的小朋友, 我不會做的幾年討厭事:
「你叫我先啦?」人哋想叫就會叫, 點解一定要叫你?
「你又高咗喎」唔通矮咗咩.......
「你塊面珠咁多肉, 真係好想搣吓你先」同你唔係好熟咋!
「唱首歌嚟聽吓」嘩, 你當人係動物表演呀???
好多謝朋友仔, 今日我們像交換禮物一樣, 朋友試過好的生活用品, 都塞了一件又一件給我
回家後, 慶起搵返十二年前, 四個大學同學一齊去台北旅行的相片出來,
現在這個人人有 smartphone 的年代, 你或許不知道那時候我有部數碼相機已覺得自己好型,
從 backup CD 中找到了相片, 原來當年我大鄉里出城, 還拍了 n 段 video
在影片中見回十二年前的自己, 覺得嘖嘖稱奇!!!!
其實我應該拍多一點生活的 video 嗎? 老了的時候, 讓自己看看, 定別有味道~
回到元朗, 逛逛我最愛的大橋街市, 在鮮肉檔的一行, 見到間未幫襯過的舖頭, 有著很多款式的凍肉賣~
仲有好多有趣的丸丸, 見到下面的企鵝同蟹形魚腐, 實在覺得好攪笑!!
所以今晚整了韓式辣鍋一鑊熟~ 那裡的芝士丸同埋 wasabi 丸都好得呀!
多謝老公的蛋糕, 補祝我們一起了十二個年頭
沒有留言:
發佈留言