這比賽有油尖旺區議會贊助， SPORT SOHO 做攪手,整體安排都幾好
我們搭鐵到九龍站，很快就到，但今天仍時晴時雨，行去西九海傍時，已滿頭大汗!
一去到，就見到一班行山朋友，大家吹水熱身，今日都係嚟開心玩多過要博老命
八點是 2km 青少年組，快得恐怖。。。
8:10am 是成人的 6km 姐，呢排有乖乖訓練，我都想知自己有冇進步
望著 ICC 起步, 想起了台北半馬時望住 101 起步的感覺~
比賽是要圍住西九跑三個圈，第一圈當然大勇，過了不少人，第二圈漸漸慢了，真係好熱。。。均速撐到尾已經好好，太搏會中暑!
最後一公里，真要用捱去形容，最後 31分10秒完成，平均 5'19"/km
嘩，算快咗喇，上年大概是 5'30"/km
不跑步的人，很難明白快嗰十秒有幾大意義
跑步的人，會覺得很大鼓舞 :)
賽後有蕉有水有西瓜，唔洗錢仲想點
走時見到兒童組, 超細粒的小朋友都在跑, 好可愛
超臭的身驅，好彩有 Elements 可換衫重生
本來同朋友飲茶，但後來因趕時間，兩個人想去食澳牛，點知十點鐘已幾十人排緊隊，儍的嗎？
茶餐廳早餐也算吧～
今日波比太落力，23分幾跑完，攪到雙腳起水泡。。。痛史佢咯
但也不減行街興致，好耐冇行我的祖家黃金電腦商場，去到買咗勁多嘢
一舊水買了自拍神棍加 remote, 好抵!!!
行街前食呢個
行街後食呢個, 呢個就係我跑極都唔瘦的原因 XD
沒有留言:
發佈留言