毅行朋友又開始練習, 不過醫院今年只攞到一隊的參賽名額, 朋友都自己去抽籤,
抽到自己組隊, 所以勁人出動, 今日明明是頭一兩課, 但已行得好快
是日水浪窩起行, 行麥徑四五六七段, 但我太耐冇行了, 一定行唔到三十幾公里, 所以行去沙田就收工
今日遇上了幾場雨, 落完雨有時又曬到死, 有幸見到好靚的藍天白雲, 實在開心!
落完雨, 都是泥地, 跣了好多次差D PK,
好好彩今日帶了行山杖, 幾次想跌時都救了我一命, 人老了跌一跌可大可小呢!!
朋友練速度, 講好了唔會等人, 行行吓得返我同波比先生~
不經不覺, 上到馬鞍山的雲中
整條麥徑我最喜歡這一段, 在幾個高山的山脊上行, 左邊是西貢, 右邊是沙田, 大地在我腳下, 感覺豁然開朗 :)
前面山上就是快腳朋友
今日個海好靚
一山還有一山高!
行到五段, 見到好多好 fresh 的牛屎屎, 原來有牛大哥出沒
嘩, 一舊舊的白雲呀, 很想摘一片!!
1PM 去到恆益商店, 見到有兩隻好可愛的 BB 貓啊!!!
行完 18km 咁辛苦, 獎勵!!!!
去了田園閣下面的德美壽司, D 壽司真係超高水準! 好新鮮好好食!!
不過服務就如傳聞中的很差, 個個待應都黑口黑面唔想做咁~
天婦羅炸得脆而不油, 真係超水準, 未食過咁正的!
呢餐真係好滿足
沒有留言:
發佈留言