豬欄生活: 7月 2014

2014年7月29日星期二

Happy Summer Gathering with home made food!

Yeah, 我同同事又有 gathering, 今次不是來我家, 是去其中一位新同事的家
我建議一人整一樣食物帶去, 效果竟是十分之好, 因為不是太多味精的 Pizza Hut 同成日食的元氣外賣,
食物落足料又健康又好食, 真係冇得彈呀!!!!

泰式生蝦同我新發明的 wasabi 蟹籽涼拌茄子都有出場, 同事的沙律好清新仲有 nuts, 好過買的多多聲!!

我今日整了個改良版的芝士牛肉批去, 一致好評, 朋友的檸檬雞翼同埋公司三文治又是水準之作

好豐富呀~~~~~~~~~~

還有這杯叫 Mojito 的東東, 很有趣!

順便替朋友預祝生日, 睇了東海堂 Miffy, 美心熊貓蛋糕後, 最後買了聖安娜雞仔, 點知......中伏....
職員同我講係什果蛋糕, 點知切開...... 得十粒唔夠的「什果」囉...... 同埋清雞蛋糕囉........
勁普通好失望......... 好知買美心好過..........

2014年7月27日星期日

大阪馬拉松- 倒數 13星期 - 我真的受傷了............

今個星期太多節目, 練少了一次 8km
星期六就去大棠山上跑個 16km, 其實我已經好叻了,
有條奪命大斜路, 以前我跑不夠十步就要行, 而家我可以跑到三分之二, 真的很有鼓勵性
跑跑吓, 落起傾盆大雨, 但我們還是繼續跑, 最後完成了 16.3km, 太好了!

還見到好大好大個蜘蛛網呀~~~

但, 我真的受傷了............
尋晚開始, 我覺得右腳腳踭位有少少痛, 夜晚瞓覺時, 多次痛醒了.....
今日起身, 落地行都痛, 心知不妙, 發現腳腫了, 即刻敷冰, 本身今日的練跑都要取消了.......

可能對 Asics LADY LYTERACER TS3 跑街還可以, 但要跑山跑斜路用力的話, 實在不夠保護性
呢個痛位就係次次半馬比賽去到13 km 左右就會痛的位置, 但 so far 又冇真正傷過,
冇呀, 呢D 都係要抖同冰敷囉, 真係估唔到會咁...... 要抖到好返先跑得了, 唯有自己做做體能訓練啦.....

[2014 北海道] 川湯觀光飯店 (川湯観光ホテル)

屈斜路湖這一帶, 很多溫泉酒店,
一番 research 之後, book 了這間川湯観光ホテル, 因為價錢合理, 有露天溫泉, 仲有海鮮宴, 都只是 21900 Yen
http://www.iionsen.com/

我們到了酒店, 不過因為這裡偏僻, 接待員都真的不會說英語,
有一張英文的旅客需知, 不過D grammar 錯到估咗好耐先知佢講乜.....

放低行李, 先去浸溫泉, 由酒店 website 的這張相, 就知真係好正!

晚上我一人獨享這半露天的溫泉, 看著滿天的星星, 太歎了 XD

晚餐真是超超超正!!! 呢餐係成個 trip 最正最難忘的啊, 都未試過喺日本咁豪地食咁多刺身, 仲要真係好新鮮好好食呀!!!
那只毛蟹, 吃過之後, 你唔會再食香港那些急凍過的, 味道差太遠了~
我同波比一路食, 一路嘩嘩嘩!!!

仲有味增豬肉鍋

前菜小吃是自助形式, 超超超推介左上那碗噴火鍋, 是牛奶海鮮湯, 好味都而家都仲好想飲多次!!

房間沒有拍照了, 因為都是 standard 的日式房, 沒什麼景觀
如喜歡有景觀, 湖畔也有不少酒店的選擇, 但價錢當然貴好多啦!!

其他遊記: 2014 北海道道東芝櫻之旅 - 總行程目錄

[2014 北海道] 和琴半島郊遊去 -- 砂湯冇砂湯

由美幌峠展望台下山, 見時間尚早, 就加插了去和琴半島 (Map Code：731 547 831) 行山的節目

和琴半島是由岸邊伸延出屈斜路湖的一個小半島, 可環島行一周, 大概一個小時
那裡的入口有很大的停車場, 又有小賣店, 唔環島行的, 在湖邊散散步也不錯

入到島, 見到呢個旅遊書都有介紹的天然溫泉, 本來都想浸浸腳的, 但係......

細心點睇, 水中滿是青苔及小昆蟲, 實在有點恐怖........ 完全唔會敢踩落去......
但離開時, 真係見到有當地人浸囉.....

開始行山了!!!

當我們環半島一周, 就可以 360 度看屈斜路湖一次

但老實說, 行行吓有時都有D 驚......... 因為全個半島, 應該得我哋兩個行緊....... 冇人o架.......

島邊不時有溫泉煙噴出, 好有趣的景觀

差不多行完一圈了!

就嚟日落, 這麼好的天氣可以在這寧靜的小島散策, 實在是感恩!

間中還見到雪

停車場還有些櫻花樹

再下一站是砂湯 (Tel: 015-484-2106/ 015-484-2254), 旅遊書話砂下面就是溫泉水,
自己可以掘個窿引D 溫泉出嚟浸

且...... 都呃人嘅, 掘完係得D 凍水咋........... 返酒店浸罷喇!

其他遊記: 2014 北海道道東芝櫻之旅 - 總行程目錄

2014年7月26日星期六

[2014 北海道] 美幌峠展望台 - 絕美風景

第三天會住喺弟子屈的溫泉酒店, 所以今日都係喺屈斜路湖一帶遊覽
好多人玩道東都係去阿寒湖, 但我睇過介紹, 其實嗰頭又好似冇咩特別, 而且位置都幾隔涉,
似乎去屈斜路湖多嘢睇, 又順路好多!

我們要去美幌峠展望台 (Map code: 638 225 457*22; Tel: 0152-75-0700)
一路揸車, 見到好多牛牛