七十多歲的伯伯每天都去安老院探婆婆,
伯伯推住婆婆慢慢地來到, 伯伯每次都好緊張的表現, 令人深深感受到, 乜嘢叫孝順~
婆婆好叻女啊, 今日做檢查合格了, 希望佢可以開開心心咁過年啦~
又有另一個好感人的故事, 當好多時大陸女人都被認為係只貪香港男人的錢,
我見到有一個不幸中風後四肢癱瘓了的男人, 只是中年, 就下半生要待在老人院,
有一次覆診, 竟然是有一個自稱是他女朋友的人來了, 我萬個估唔到, 一年前的女朋友, 現在還是女朋友
那個女孩子從中國某地搭飛機來, 因為是放長假才能夠來,
那個女孩子對男病人無微不至, 不停鼓勵佢要做訓練,
那男病人竟然第一次在我面前開聲講說話~
已是四肢癱瘓了, 也沒有任何金錢利益可貪圖了罷, 見到女孩子的一舉一動, 我相信出自真心亦叫人感動~
可惜女孩子要回去了, 那病人又會繼續頹廢下去嗎?
*************************************************************************
今晚好開心啊~ 開始整自家煲仔系列第一擊喇!!!
波比先生點了臘腸冬菇滑雞煲仔飯, 我用了雞脾肉, 好滑呀~
又去榮華買咗臘腸, 加瘦臘腸雖然貴好多, 但真係健康D 同都好好食!
一大煲, 超爆滿的材料, 超滿足!!!
最開心係成功整到飯焦添呀, 好正呀~~~
同場加映: 第二次煮吉野家牛肉, D 汁撈飯又係好美味~
究竟點整煲仔飯??我好鍾意食架!!!最鍾意係飯焦!!^^
回覆刪除我睇咗唔同的 website, summarize 後自己的煮法是:
回覆刪除1. 用瓦煲/陶瓷煲, 裝好平時煮飯的米和水份量
2. 開住蓋大火煲, 煲到收水, 收到水面去到飯面的 level 就收到最細火
3. 加入配料 (肉呀, 腸呀), 冚蓋繼續用最細火煲 15 分鐘
4. 15 分鐘後, 鍾意的可以焗焗佢添
登鄧, 好味煲仔飯就完成了
我兩次都整到有飯焦呀!