夢想食物 - 千層麵

我好鍾意食千層麵, 如果食飯的地方有得點千層麵, 一定會成為我的必叫菜色
不過實在唔太多地方有得食, 一年還吃不到幾次

有一日睇廚藝高手 blogger 的 blog, 發現原來自己做也不太難!
於是的起心肝想試一試!

前幾日喺 Citysuper 買了 Lasagna 麵, 就是千層麵的麵, $42 盒,
今日買了肉/ 蕃茄醬, 煮好後同麵一層一層的鋪好

不過都有好多難題, 先係屋企有的焗爐兜都唔夠大 (之前仲特登諗住用嚟焗嘢), 好彩有錫紙兜,
又發現肉的份量唔多夠....... 原先打算整八層, 而家整得六層,
中間仲要有兩層用火腿搭夠 (好彩屋企時常有好多食材)
唉, 補吓補吓咁砌好六層, 鋪上芝士 (最興奮!!!) , 就拎去焗喇!!

焗到成個廚房都係芝士香, 見到芝士轉了金黃色, 嘩~~~ 太靚喇~~~


最滿足係見到佢一層層的樣子
第一次造到我很喜歡的千層麵啊~ 那種喜悅實在難以形容!
第一次用我家的焗爐去焗咁芝士的菜色, 芝士又香又脆, 太正喇!



有了今次的經驗, 星期四要整多次更成功嘅先得!! (因為D 蕃醬開蓋後要一星期內食晒啊!)

好嘢, 聽日 off, 過大海, 又係增肥之旅呀~~