工展會之滿載而歸

今年本來冇打算去工展會, 因為去過幾年, 愈來愈冇嘢好買,
不過今日見冇咩做, 又想睇吓D 廚具有冇特價, 於是今日就即興拉咗波比先生去~

咁難得出城 (我都可能有差唔多一年冇行過 CWB.....,
Check 返自己個 blog, 哎呀, 原來我就剛在上年的1月2日去過銅鑼灣, 真係剛好一年了!!!)
就想同波比先生去食近期好 hit 的「達磨」日本拉麵,
1:45pm 去到, 吓....... 要等 21 張枱, 仲要入面係只有 10 個位.......
真係要等的話, 睇怕都已經食晚飯了.....

好彩銅鑼灣道都好多食肆, 我們就算了一間好歐陸式的西餐廳,
叫了兩個 set lunch, 都十分之有水準啊!
先有我好鍾意的磨菇濃湯,
雞柳天使麵, 聽落冇咩特別, 但係個白汁整得好好, 唔會太濕, 又充滿新鮮的香草味,
燒羊架, 嘩, D 肉好嫩又唔肥, 波比先生讚不絕口, 仲話係佢呢世人食過最好的羊架 (洗唔洗咁誇張?!)
即磨咖啡又香又醇, very good 呀!
估唔到亂打亂撞, 竟然遇上了一間咁好的西餐廳啊~



差不多三點入場, 嘩, 迫到史........
有D 通道真係只可跟住人潮不停前進, 根本埋唔到D 攤檔睇嘢.....
不過都好好彩呀, 想買 (同冇諗過會買) 的東西都一一買到了!

抵到爛的 UCC 咖啡大手入貨!
平時賣緊 $77 的咖啡, 而家 $45 就買到了! 買完覺得車錢終於都抵返!
仲有上面盒朱古力冬甩, $15 有7 個~



跟住到煮食篇: $100/ 6 包的湯料唔錯啊, 可以鼓勵吓自己煲多D 湯~
仲有蒜茸馬拉盞, 用來炒餸調味都好正o架!

一定要介紹嘅係下面的攪拌機, 一向都覺得攪拌機係好大部, 我一定唔會買,
但今日見到呢部細細部的, 剛巧之前見過有位 blogger 都話好用,
睇 demo 可以攪到波比先生日日都飲的五青汁 (出面賣成 $21/支),
攪肉/薑蓉/果汁/豆漿/果仁, 乜都得咁滯! 好似好好用喎!
所以都冇乜點諗就買咗喇, 聽日要試試先!



仲有買咗一 set 刀呀! 係近來心思思想買咗好耐的「陶瓷刀」,
唔好以為佢係玩具膠刀, 其實佢好勁好利, 切薄片好好用, 切蛋糕唔會爛, 切蘋果個蘋果唔會生锈,
平時行百貨公司見到都賣好貴, 今日見到 $300 就有兩把陶瓷刀, 送一個刨同埋一把鋼刀,
正想換掉屋企那把磨極都唔利的鋼刀, 所以又亳不猶豫地買了, 真係好抵呀!!!



買咗好多廚具, 我 2011 年一定要煮多D 好餸呀!