深水埗好吃好買半天遊

連續兩天的大假, 好讓我再努力打掃啊!

波比先生買了鴻福堂的芋頭糕俾我食, 都唔錯喎!
仲有佢朋友家親手整的年糕, 加蛋煎香真係一年一度的美食!



吃飽飽, 早上洗得焗爐/ 微波爐/ 雪櫃乾乾淨淨, 見到也開心!

下午就去了深水埗行街街, 目的是幫醫院買啲嘢, 同埋自己想買部收音機加 MP3 第時播歌仔俾 BB 聽~
不過以上兩樣都睇唔啱........ 最後變咗自己 shopping

先去了新香園食個蛋牛治烘底, 超正! 偷飲了 2/3 杯奶茶, 放假就俾我放肆一次半次吧 XD



行了鴨寮街, 再去行福華街同福榮街, 原來福榮街有好多玩具賣, 又有好靚的揮春利是封等等~
逐間睇玩具, 好多都好想買俾小豬嘜, 不過等佢大個D 先啦~



反而意外地買到兩套開胸睡衣俾自己, 因為仁安生仔時, 係冇病人衫提供o架,
方便餵奶的話, 要買呢D 款的睡衣, 搵咗好耐, 一係好貴一係D pattern 好騎喱, 呢套已經算係我見過之中最正常!



仲有好意外地買到麥兜口水肩, 哈哈哈, 真係好鍾意呀, 雖然明知係淘寶嘢!
仲有小手套仔都好 cute!



之後去了公和豆品食豆花, 新鮮熱辣又香豆味, 超正!!
今日行完之後, 真係發現到好多咁多年都未行過的舖頭同街道, 真係好多嘢睇,
食品日用品又平, 好啱遲D 再嚟 shopping!



臨走時, 不忘去黃金商場斜對面的麵包店, 買佢最馳名的薑蔥焗雞脾!
想當年我喺黃金做 part-time promoter 時已好鍾意食, 十多年水準不變
回家加個麵菇菜, 美味又健康的 dinner~ :)