[小豬嘜] 我30 週大了! 第2次 QE 產科覆診

二月份過得很快, 每星期都係返吓工又放吓假就完了!
今天小豬嘜 30 週大了! 我還是很感恩過去的三十週平平安安的過去了~

小豬嘜而家愈來愈有力, 晚上躺平或坐定定時, 見到個肚波浪形咁郁郁吓, 好攪笑~
尋日下午去聽 seminar, 一路聽佢一路狂踢, 踢到我個人都彈彈吓 , 攪到坐隔離的同事都望望我咩事......
還有我會同小豬嘜玩遊戲, 而家摸摸肚子, 係摸得到哪裡是水, 哪裡是小豬嘜,
相隔一塊肚皮, 我摸摸她, 她就郁郁吓作回應, 生命是多麼的奇妙 :)

今日下午返了 QE 覆診, 我早了 15 分鐘到, 但最後還是等了個半鐘先有得睇........
見醫生的過程只有兩分鐘, 其實真係好花時間...........
如果唔係要喺政府醫院 KEEP 返個 RECORD 買個保險, 真係唔想嚟咁多.........

之後去了佳佳甜品吃了個合桃糊加湯圓, 好滿足~~



之後想行護協, 點知冇開!?
轉戰花園街, 終於買到加大碼的短睡褲了!
而家個肚大到大碼褲都著得好辛苦, 醫院制服已轉到 XL 碼,
近日非常之熱, 晚晚要開風扇先瞓到..........但屋企冇短褲啱著............
好難得喺花園街搵到咋, 因為好多時裝店都未轉賣夏天衫, 搵咗好耐都搵唔到..........

再行行新世紀的 BB 店, 睇睇 BB 車同床, 只差幾樣嘢未買咋, 差唔多都要買埋, 就可以安心待產了~