[愛住家菜] 快餐 A x 蟲草花螺頭瘦肉湯

又係湯水時間, 早兩日行街市見到新鮮的蟲草花, 忍唔住買咗一包試吓
今日煲咗個蟲草花螺頭瘦肉粟米湯, 超級的清甜, 超級的好飲又唔會油, 真係好正!
蟲草花食落似係金菇的口感, 滑滑的!
過兩日用剩餘的來蒸雞, 應該味道也會不錯!



還有我的快餐 A!
而家一路都鑽研緊 D 餐單 for 生咗之後又要返工時, 點可以快靚正煮好一餐!
雖然平時我煮一菜兩餸都只係半個鐘, 但遲D 真係要再加速先夠時間用~

今晚煎咗個香草魚柳, 還有整咗個蕃茄飯改良版,
將蕃茄、德國肉腸、秀珍菇都放進電飯煲內一煲熟,
出來拌一拌, 已是美味的什錦拌飯了~ 仲可以洗少隻碟添 (XD 波比最高興!)