[小豬嘜] 又去聽講座

這個 weekend 好忙碌啊!!
今日連聽了兩場講座, 上午是 QE 的產前後運動講座, 真忍不住又要讚讚 QE 的講座真係好好聽~
即使自己也會上好多外國的 website 睇好多資料, 但有D 知識都真係喺 QE 第一次認識到
不過 QE 嘅講座真係好快 full, 一開始可以報下一季的講座時, 就要秒殺去報了!

下午呢, 去咗安滿攪的 BB 按摩講座, 其他的topic 我也實在冇興趣, 係講到 BB 按摩我就真係有心學吓
以前工作的機構, 物理治療師會教 baby gym 同 massage 班, 心想嚟上呢堂就可以學識都幾好喎!
點知...... 好流囉.............
只係搵個 nurse 嚟講, 仲要 15 分鐘就講完, 仲要好片面....... (其他時間就梗係 sell 吓嘢)
我諗我上 youtube 睇吓都會 informative 過佢...... 唉....... 再一次覺得奶粉廠攪的, 都係冇個好......
唯一的得著, 係有張幾得意的牛牛包被送,
但呢D 講座, 如果要特登搭車出嚟聽, 真係車錢都蝕埋咁 feel......



兩場中間, 喺尖咀搵食, 興起去了韓國街一帶, 入了一間叫韓樓的韓國食店試試
Set lunch 有好多款, 都係 $50-70 的價錢,
我點了牛肉石頭飯, 仲有泡菜同海帶湯送



本來今日勁想去食麥當當, 不過想起肚裡面的小豬嘜要食多D 蔬菜,
石頭飯是一個很好的選擇啊! 呢個仲有厚厚的飯焦, 又夠多料多辣醬, 超好味!!!
波比的是牛肉粉絲湯配白飯, 都係有好多蔬菜又好好味啊!!!



之後就去了維園, 波比要拎渣馬選手包了!
今年我冇得同波比一齊跑, 不過我都會帶住小豬嘜去打氣呀!
今年報了 5:30am 的挑戰組, 跑完勁勁勁早...... (7am 前啦......)
之後會去食個早餐, 再等全馬的朋友, 睇吓會唔會有緣見到了!