[愛美食] 八幡屋日式放題

星期三下午去了QE 照結構, 準時到都等了個半鐘, 這就是公立醫院嘛........
兩次來 QE 由護士照都不太順利 (但平時由私家醫生照的就次次都好易睇得好清)
上次姑娘係咁叫我唔好緊張唔好用力落個肚, 攪到佢照唔到, 但我根本一啲都冇用到力.......
今次姑娘的態度係好的, 不過阿 B 個頭匿埋咗, 攪咗好耐先好勉強地度到個頭圍
走時我同波比先生都好慶幸我哋自己有另外出去潘醫生度照結構,
潘醫生有耐性又詳細好多地講解~

今日又去了仁安 book 床位了, 私家醫院真係同我哋公立醫院兩個世界, 連清潔阿姐同你講嘢的態度都係天壤之別........
仁安雖然有點遠, 但住過的朋友同學都讚不絕口, 我睇咗環境都真係好唔錯啊~

今晚慶祝又順利完成了兩個 task, 去旺角兆萬的八幡屋食日式放題, 六點前入座只是 $148,
而家新張期, 仲加送下圖的生蠔拼盤, 鵝肝多士, 羊架等等!



生嘢我當然冇得食啦, 但炸物, 燒物同牛肉鍋都很不錯~
不過整體還是會掛念大喜屋多一點! 生完我要去食極上大喜屋呀~~~~~~~~~~~~